دہشت گردی کے خدشات کے پیش نظر سی ٹی ڈی نے پنجاب کے مختلف شہروں میں 134   انٹیلی جنس بیسڈ آپریشنز (آئی بی اوز) کیے۔

 ترجمان کاؤنٹر ٹیررزم ڈیپارٹمنٹ کے مطابق انٹیلی جنس بیسڈ آپریشن کے دوران 18 دہشت گرد گرفتارہوئے، جبکہ یہ، کارروائی لاہور، خوشاب، گجرانوالہ، پاک پتن، بہاول نگر، راولپنڈی، فیصل اباد، شیخوپورہ، منڈی بہاؤالدین، میانوالی میں کی گئی۔

ترجمان سی ٹی ڈی پنجاب نے بتایا کہ لاہور، فیصل اباد اور راولپنڈی سے فتنہ الخوارج  کے 3 انتہائی خطرناک دہشت گرد اسلحہ اور باروی مواد سمیت گرفتارکیے گئے۔  دہشت گردوں سے دھماکہ خیز مواد، ڈیٹونیٹر 18 حفاظتی فیوز وائر 53 فٹ،  گولیاں، اسلحہ، آئی ای ڈی بم ، 1موبائل فون،  ممنوعہ پمفلیٹ، نقدی اور نقشے برامد ہوئے۔

  ترجمان سی ٹی ڈی کے مطابق دہشت گردوں کی شناخت فیض، عظیم، طارق، اصف، عرفان، احسان، فتح، ولید احمد، اسد الرحمن، ضیاء الحق وغیرہ کے نام سے ہوئی، جبکہ دہشت گرد مختلف مقامات پر کاروائی کر کے عوام میں خوف و ہراس پھیلانا چاہتے تھے۔

حکام نے بتایا کہ رواں ہفتے 2716 کومبنگ آپریشنز کے دوران 278 مشتبہ افراد گرفتار کیے گئے، جبکہ کومبنگ آپریشنز میں 90141 افراد سے پوچھ گچھ کی گئی۔

 حکام کے مطابق سی ٹی ڈی محفوظ پنجاب کے ہدف پر عمل پیرا ہے، جبکہ دہشت گردی کے ناسور کو جڑ سے اکھاڑ پھینکنے کے لیے پرعزم ہیں۔