وفاقی کابینہ اجلاس، آئینی ترمیم کے مسودے کی منظوری کا امکان

فہد

19th Oct, 2024. 10:24 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی کابینہ اجلاس، آئینی ترمیم کے مسودے کی منظوری کا امکان

وفاقی کابینہ کے آج ہونے والے اجلاس میں آئینی ترمیم کے مسودے کی منظوری کا امکان ہے۔

ذرائع کے مطابق وزیراعظم شہبازشریف کی زیرصدارت وفاقی کابینہ کا اجلاس آج دوپہر 12 بجے ہوگا۔

اجلاس میں اسحاق ڈار اور اعظم نذیر تارڑ مولانا فضل الرحمان سے ہونے والی ملاقات پر اعتماد میں لیں گے، جبکہ اجلاس میں مجوزہ آئینی ترمیم کے مسودے کی بھی منظوری کا امکان ہے۔

ذرائع نے بتایا کہ اجلاس میں پارلیمنٹ سے 26 ویں ترمیم منظور کروانے کی حکمت عملی بھی مرتب کی جائے گی، جبکہ اجلاس کے وقت میں سیاسی صورتحال کے سبب کچھ ردوبدل کا بھی امکان ہے۔

مجوزہ 26 ویں آئینی ترمیم میں سیاسی جماعت پر پابندی کا طریقہ کار تبدیل کرنے کی تجویز شامل ہونے کا بھی امکان ہے، جس کے تحت کسی سیاسی جماعت کو کالعدم قرار دینے کا اختیار وفاقی حکومت کا ہوگا، جبکہ کسی سیاسی جماعت پر پابندی کا حتمی فیصلہ سپریم کورٹ کرتی ہے۔، تاہم آئینی ترمیم کی منظوری کے بعد سپریم کورٹ کا یہ اختیار ختم ہو جائے گا۔

ذرائع کے مطابق وفاقی حکومت شواہد کی بنیاد پر کسی سیاسی جماعت کو کالعدم قرار دے سکے گی۔ وزیراعظم ، کابینہ ڈویژن کے اس حکم کو چیلنج نہیں کیا جا سکے گا، حتمی مسودے میں معمولی تبدیلیوں کے باعث سینٹ اور وفاقی کابینہ کے اجلاسوں کے وقت تبدیل کیے گئے۔