کراچی: ڈی ایس پی علی رضا کے قتل میں ملوث 2 دہشتگرد ہلاک

ویب ڈیسک

06th Oct, 2024. 09:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی: ڈی ایس پی علی رضا کے قتل میں ملوث 2 دہشتگرد ہلاک

کراچی کے علاقے شیر شاہ میں سی ٹی ڈی کی کارروائی میں ڈی ایس پی علی رضا کے قتل میں ملوث 2 دہشتگرد ہلاک ہوگئے۔

محکمہ انسداد دہشت گردی (سی ٹی ڈی) کے راجہ عمر نے بتایا ہے کہ سی ٹی ڈی کی ٹیم نے شیرشاہ میں کارروائی کی تو پولیس مقابلہ ہوا جس کے نتیجے میں دونوں دہشت گرد مارے گئے۔

راجہ عمر کے مطابق ہلاک دہشتگردوں کے قبضے سے بارودی مواد، اسلحہ بال بیرنگ، خودکش جیکٹ میں استعمال ہونے والا سامان برامد ہوا ہے، ہلاک دہشتگردوں کی شناخت عثمان اور حافظ رشید کے نام سے ہوئی ہے جبکہ ہلاک دہشتگردوں کا تعلق کالعدم تنظیم سے ہے۔

انچارج سی ٹی ڈی نے مزید بتایا کہ ہلاک دہشت گرد سی ٹی ڈی انچارج علی رضا کے قتل میں ملوث ہے، دہشت گرد تربیت یافتہ ہیں، سی سی ٹی وی فوٹیج میں بھی آچکے ہیں، دہشت گردوں نے سی ٹی ڈی افسر علی رضا کو کریم آباد میں قتل کیا تھا۔