اسلام آباد: وفاقی وزیر پیٹرولیم مصدق ملک نے کہا ہے کہ پاکستان میں سرمایہ کاری کے فروغ کے متعدد مواقع موجود ہیں۔

وزیر پیٹرولیم مصدق ملک نے پاکستان سعودی عرب بزنس فورم سے خطاب کرتے ہوئے فورم سے خطاب کرتے ہوئے کہا کہ پاکستان اور سعودی عرب کے درمیان تاریخی برادرانہ تعلقات ہیں، پاکستان میں سرمایہ کاری کے بہترین مواقع موجود ہیں۔

انہوں نے کہا کہ پاکستان کی مارکیٹ میں بہترین سرمایہ کاری کی صلاحیت ہے، 30 شعبوں میں ویژن 2030 کو سمویا گیا ہے، سعودی عرب میں پیٹرولیم خام مال کے بے شمار وسائل ہیں۔

مصدق ملک نے کہا کہ پاکستان پیٹرولیم مصنوعات کو استعمال کرنے کی بڑی مارکیٹ ہے، سعودی عرب پاکستان میں سیاحت کے مواقع سے استفادہ کرسکتا ہے۔

وفاقی وزیر نے مزید کہا کہ دوست ممالک کے سرمایہ کاروں کیلئے ریڈ کارپٹ بچھانے کیلئے اقدامات کیے جا رہے ہیں، ایس آئی ایف سی سعودی سرمایہ کاروں کو مکمل تعاون فراہم کرے گا۔

تجارت کے فروغ میں سعودی فرمانروا کا وژن 2030 اہم کردار ادا کرے گا، جام کمال

وفاقی وزیر تجارت جام کمال نے بھی فورم سے خطاب کرتے ہوئے کہا کہ پاکستان میں سرمایہ کاری کےوسیع مواقع موجودہیں، سعودی عرب زراعت، کان کنی، آئی ٹی شعبےمیں سرمایہ کاری کرے گا۔

انہوں نے مزید کہا کہ تجارت کے فروغ میں سعودی فرمانروا کا وژن 2030 اہم کردار ادا کرے گا، سعودی ولی عہد کا وژن 2030 قابل تحسین ہے۔