آئینی ترامیم کیلئے تمام لوگوں کو کوششوں پر خراج تحسین پیش کرتا ہوں، مولانا فضل الرحمان

فہد چوہدری

21st Oct, 2024. 10:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئینی ترامیم کیلئے تمام لوگوں کو کوششوں پر خراج تحسین پیش کرتا ہوں، مولانا فضل الرحمان

اسلام آباد: جمعیت علمائے اسلام کے سربراہ مولانا فضل الرحمان نے کہا ہے کہ آئینی ترامیم کیلئے بلاول بھٹو، نواز، شہباز شریف اور ایوان میں موجود تمام لوگوں کی کوششوں کو خراج تحسین پیش کرتا ہوں۔

سربراہ جے یو آئی ف مولانا فضل الرحمان نے قومی اسمبلی اجلاس سے خطاب کرتے ہوئے کہا کہ یہاں پر جھگڑا شخصیات کے حوالے سے ہے، حکومت ایک جج سے اور اپوزیشن دوسرے جج سے ڈر رہی ہے، میرا موقف تھا کہ شخصیات پر توجہ دینے کی بجائے اصلاحات کی ضرورت ہے۔

انہوں نے کہا کہ متفقہ آئینی ترامیم کیلئے میں نے بھرپور کوشش کی، اٹھارویں ترامیم کے ذریعے عدلیہ سے متعلق پارلیمنٹ کو اختیار ملا، اس کے بعد بہت جلد یہ اختیار انیسویں ترمیم کی صورت دوبارہ لے لیا۔

مولانا فضل الرحمان نے مزید کہا کہ پہلے مسودہ آج کے مسودے میں بہت فرق ہے، ابتدائی مسودہ چھپن شقوں پر مشتمل تھا، بات چیت کے بعد یہ مسودہ بائیس نکات پر آگیا، ہم اس مسودے کے ذریعے جمہوریت کا قتل کررہے تھے۔