جمہوریت کی بحالی میں بیگم نصرت بھٹو کی خدمات ناقابل فراموش ہیں، صدر مملکت

سلمان علی اعوان

23rd Oct, 2024. 10:28 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جمہوریت کی بحالی میں بیگم نصرت بھٹو کی خدمات ناقابل فراموش ہیں، صدر مملکت

اسلام آباد: صدر مملکت آصف علی زرداری نے کہا ہے کہ پاکستان میں جمہوریت کی بحالی میں بیگم نصرت بھٹو کی خدمات ناقابل فراموش ہیں۔

صدر آصف زرداری نے مادر جمہوریت بیگم نصرت بھٹو کی 13 ویں برسی کے موقع پر پیغام دیتے ہوئے کہا کہ بیگم نصرت بھٹو نے آمر کے خلاف عوام کے حقوق اور جمہوریت کے بحالی کیلئے طویل جدو جہد کی، انہوں نے مُشکل دور میں پاکستان پیپلز پارٹی کو قیادت فراہم کی۔

انہوں نے کہا کہ بیگم نصرت بھٹو کی جمہوریت کیلئے قربانیوں کو خراج عقیدت پیش کرتے ہیں، انہوں نے آمرانہ حکومت کے ظلم و جبر کا ہمت اور بہادری سے مقابلہ کیا۔

صدر مملکت نے کہا کہ بیگم نصرت بھٹو مادر جمہوریت اور عزم اور حوصلے کی علامت ہیں، یہ سیاسی بصیرت کی حامل اور مدبر رہنما تھی، انہوں نے خواتین کی خود مختاری اور سیاست میں اُنکی شمولیت میں اہم کردار ادا کیا۔

آصف زرداری نے مزید کہا کہ پاکستان میں جمہوریت کی مضبوطی کیلئے ہمیں بیگم نصرت بھٹو کے نظریے کو مشعل راہ بنانے کی ضرورت ہے، ان کی 13 ویں برسی پر اُن کے مشن کو جاری رکھنے کے عزم کا اعادہ کرتے ہیں، ملک میں جمہوریت کی مضبوطی اور عوامی فلاح و بہبود کیلئے انکے مشن پر کاربند رہیں گے۔