بانی پی ٹی آئی، علی امین گنڈاپور اور اعظم سواتی پر دہشتگردی کا ایک اور مقدمہ درج

ویب ڈیسک

08th Oct, 2024. 12:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بانی پی ٹی آئی، علی امین گنڈاپور اور اعظم سواتی پر دہشتگردی کا ایک اور مقدمہ درج

اسلام آباد: بانی پی ٹی آئی، علی امین گنڈاپور اور اعظم سواتی کے خلاف دہشت گردی کا ایک اور مقدمہ درج کرلیا گیا ہے۔

پاکستان تحریک انصاف کی قیادت پر مقدمات درج ہونے کا سلسلہ جاری ہے، تھانہ سنگ جانی میں بانی پی ٹی آئی، علی امین گنڈاپور، اعظم سواتی پر دہشتگردی کا ایک اور مقدمہ درج کیا گیا ہے۔

نامزد قیادت کے ہمراہ 2000 سے 2500 نامعلوم کارکنان بھی مقدمے میں شامل کیے گئے ہیں جبکہ مقدمے میں دہشتگردی سمیت 12 دفعات شامل کی گئی ہیں۔

مقدمے کے متن کے مطابق بانی پی ٹی آئی نے جیل میں دی گئی سہولیات کا ناجائز استعمال کیا، بانی پی ٹی آئی کے اکسانے پر علی امین نے صوبائی وزیر ہونے کے ناطے سرکاری وسائل کا غلط استعمال کیا۔

مقدمے میں مزید کہا گیا ہے کہ اعظم سواتی نے مظاہرین کی مالی معاونت کی، مظاہرین نے 2عدد 12 بورگن، 12 اینٹی رائٹ کٹس، 2وائرلیس سیٹ، 5 عدد ٹیئر گیس شیل چھینی جبکہ مظاہرین نے پولیس پارٹی پر قتل کی نیت سے فائرنگ بھی کی، پولیس اہلکاروں نے درختوں کے پیچھے چھپ کر جان بچائی۔

پی ٹی آئی قیادت اور کارکنوں کے خلاف اس نئے مقدمے میں کار سرکار میں مداخلت، اغوا، ڈکیتی، دہشتگردی، اقدام قتل، سرکاری اسلحہ چھیننے سمیت دیگر دفعات شامل کی گئی ہیں۔