بانی پی ٹی آئی سے ملاقات میں آئینی ترامیم پر مشاورت ہوگئی ہے، بیرسٹر گوہر

ویب ڈیسک

19th Oct, 2024. 03:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بانی پی ٹی آئی سے ملاقات میں آئینی ترامیم پر مشاورت ہوگئی ہے، بیرسٹر گوہر

چیئرمین پی ٹی آئی بیرسٹر گوہر کا کہنا ہے کہ بانی پی ٹی آئی سے ملاقات ہوئی ہےاور آئینی ترامیم پر مشاورت بھی ہوگئی ہے۔

تفصیلات کے مطابق تحریک انصاف کا وفد راولپنڈی اڈیالہ جیل میں بانی چیئرمین پی ٹی آئی سے ملاقات کےبعد واپس روانہ ہوگیا۔

بیرسٹر گوہر نے اڈیالہ جیل کے باہر ایک صحافی کے سوال کے جواب میں کہا کہ بانی پی ٹی آئی سے ملاقات کے بعد مزید مشاورت کریں گے پھر آپ کے ساتھ تفصیل سے بات کریں گے۔

صحافی نے سوال کیا کہ کیا بانی پی ٹی آئی نے ترمیم کے لیے منظوری دی ہے جس پر بیرسٹر گوہر نے کہا کہ اس بارے میں مولانا فضل الرحمان سے ملاقات کے بعد میڈیا کو آگاہ کریں گے۔

پی ٹی آئی وفد میں شامل اسد قیصر نے صحافیوں کو بتایا کہ بانی پی ٹی آئی کی صحت ٹھیک ہے۔

صاحبزادہ حامد رضا نے اڈیالہ جیل کے باہر میڈیا سے گفتگو کرتے ہوئے کہا کہ کچھ چیزیں امانت ہوتی ہیں، ابھی نہیں بتاسکتے۔مولانا فضل الرحمان کے گھر جاکر تفصیلی گفتگو کریں گے۔