پی ٹی آئی کی موجودہ قیادت انتشار کی سیاست پر عمل پیرا ہے، اکبر ایس بابر

ویب ڈیسک

02nd Oct, 2024. 12:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی کی موجودہ قیادت انتشار کی سیاست پر عمل پیرا ہے، اکبر ایس بابر

اسلام آباد: اکبر ایس بابر نے کہا ہے کہ پی ٹی آئی کی موجودہ قیادت انتشارکی سیاست پرعمل پیرا ہے۔

اکبر ایس بابر نے الیکشن کمیشن کے باہر میڈیا سے گفتگو کرتے ہوئے کہا کہ پی ٹی آئی انتشار کی سیاست کر رہی ہے، یہ سیاست پاکستان کو بہت مہنگی پڑ رہی ہے۔

انہوں نے کہا کہ اڈیالہ جیل سے ہر روز انتشار کی کال دی جاتی ہے، جیل سے کیسے اس قسم کے احکامات جاری کیے جا سکتے ہیں، آنے والے دنوں میں ایک اہم کانفرنس ہونے جا رہی ہے، کانفرنس ملک کی ترقی کے لئے انتہائی اہمیت کی حامل ہے۔

انکا کہنا تھا کہ انتشار پھیلانے والوں کی کارروائیوں میں تیزی آگئی ہے، کے پی میں ان کو آخری موقع ملا ہے، مستقبل میں یہ موقع بھی نہیں ملنا۔

اکبر ایس بابر نے کہا کہ انٹرا پارٹی الیکشن میں حصہ لینا ہر کارکن کا حق ہے، اچھی قیادت کو سامنے لانے کے لئے انٹرا پارٹی الیکشن بہت ضروری ہے، ورکرز کے آئینی حق کے لیے ہم نے آواز اٹھانی ہے، یہی وہ جنگ ہے جو ہم لڑ رہے ہیں۔

انہوں نے مزید کہا کہ جمہوریت کے نام پر یہ صرف اقتدار کی جنگ لڑ رہے ہیں، ہم چاہتے ہیں کہ ہمیں موقع دیا جائے، ہم پارٹی کے شفاف الیکشن کروائیں، ہم نے گزارشات کمیشن میں پیش کر دی ہیں، تحریک انصاف نے جعلی انٹرا پارٹی الیکشن کروائے، پارٹی کے ورکرز کو محروم رکھا گیا، ہم ان کے راستے میں اسی طرح کھڑے رہیں گے۔