کمزور، پسماندہ طبقات کا ہاتھ تھامنےسے ہی مستحکم معاشرے کاوجودممکن ہے،مریم نواز

کمزور، پسماندہ طبقات کا ہاتھ تھامنے سے ہی مستحکم معاشرے کا وجود ممکن ہے، مریم نواز

ویب ڈیسک

17th Oct, 2024. 11:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کمزور، پسماندہ طبقات کا ہاتھ تھامنے سے ہی مستحکم معاشرے کا وجود ممکن ہے، مریم نواز

لاہور: وزیر اعلیٰ پنجاب مریم نواز شریف نے کہا ہے کہ مضبوط، خوشحال اور مستحکم معاشرہ تب ہی ممکن ہے جب کمزور اور پسماندہ طبقات کا ہاتھ تھام لیا جائے۔

وزیر اعلیٰ مریم نواز نے غربت کے خاتمے کے عالمی دن پر پیغام دیتے ہوئے کہا کہ غربت محض ایک اقتصادی مسئلہ نہیں، بلکہ تعلیم، صحت، اور انصاف کے عدم دستیابی کا نتیجہ ہے، منصب سنبھالتے ہی معاشرتی انصاف اور اقتصادی ترقی کے ذریعے غربت کے خاتمے کا عہد کیا۔

انہوں نے کہا کہ غریب بے گھر افراد کے لیے ’’اپنی چھت، اپنا گھر‘‘ پروگرام لانچ کیا، کسانوں کے لئے 400 ارب کا تاریخی کسان پیکج شروع کیا ہے، ہر نوجوان کو غربت سے بچانے کے لئے اسکلز پروگرام، روزگار کے مواقع اود دیگر اختراعی اقدامات کیے جارہے ہیں۔

مریم نواز کا کہنا تھا کہ اسپیشل افراد کی معاشی معاونت کےلئے ہمت کارڈ لانچ کیا ہے، خواتین کی غربت ختم کرنے کے لئے معاشی خودمختاری کی راہ پر گامزن کر رہے ہیں۔

وزیر اعلیٰ پنجاب نے مزید کہا کہ عارضی مہنگائی کا خاتمہ اور اشیاء ضروریہ کے نرخ میں کمی کے لئے ٹھوس اقدامات کیے ہیں، غربت کے خاتمے کی جہدوجہد میں کامیابی مشترکہ ذمہ داری نبھانے سے مشروط ہے۔