اسلام آباد میں بینک ڈکیتیوں میں استعمال ہونے والا اسلحہ سرکاری ہونے کا انکشاف

ویب ڈیسک

31st Oct, 2024. 10:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد میں بینک ڈکیتیوں میں استعمال ہونے والا اسلحہ سرکاری ہونے کا انکشاف

وفاقی دارالحکومت اسلام آباد میں بینک ڈکیتیوں میں استعمال ہونے والا اسلحہ سرکاری ہونے کا انکشاف ہوا ہے۔

پولیس ذرائع نے بتایا ہے کہ بینک ڈکیتیوں میں استعمال ہونے والی شارٹ مشین گن تھانہ سیکریٹریٹ سے چرائی گئی۔

ذرائع کے مطابق انگلینڈ کرکٹ ٹیم کے دورے کے دوران اسلام آباد پولیس کی ایس ایم جی غائب ہوئی، اسلام آباد پولیس کے اہلکار سے ایک فرضی ملازم ایس ایم جی لے اڑا۔

پولیس ذرائع کا کہنا ہے کہ فرضی ملازم کی وردی پر دلاور نام درج تھا، فرضی اہلکار نے تھانہ سیکریٹریٹ سے حاصل کیا، ملازم نے بیلٹ نمبر283 لکھوایا اور موبائل فون بھی غلط لکھوایا۔

ذرائع نے مزید بتایا کہ تھانے اے اے ایس آئی نے بغیر جانچ پڑتال فرضی ملازم کو سرکاری ایس ایم جی گن نمبر 218 جاری کی، بینک ڈکیتیوں میں استعمال ہونے والی گن سرکاری ایس ایم جی ہے۔

گزشتہ دو روز میں اسلام آباد میں بینک ڈکیتی کے 4 واقعات ہوئے، تھانہ سیکریٹریٹ میں ایس ایم جی غائب ہونے کی رپورٹ درج کردی گئی ہے اور تحقیقات شروع کردی گئی ہیں۔