تنخواہ دار طبقے پر ٹیکسوں کا مزید بوجھ نہیں ڈال سکتے، محمداورنگزیب
واشنگٹن: وفاقی وزیر خزانہ محمداورنگزیب نے کہا ہے کہ تنخواہ دار طبقے پر ٹیکسوں کا مزید بوجھ نہیں ڈال سکتے۔
وزیر خزانہ محمداورنگزیب نے فرانسیسی نیوز ایجنسی کو انٹرویو دیتے ہوئے کہا کہ پاکستان میں تنخواہ دار طبقے کی مشکلات سےآگاہ ہیں، تنخواہ دارطبقے پر ٹیکسوں کا مزید بوجھ نہیں ڈال سکتے۔
انہوں نے کہا کہ صنعتی شعبہ ٹیکس کی زیادہ سے زیادہ حد کو پہنچ چکا ہے، زرعی آمدن سے ٹیکس کی وصولی بہتر کرنا ہوگی۔
محمداورنگزیب نے کہا کہ ریئل اسٹیٹ، ریٹیلز سیکٹرز سے ٹیکس آمدن بڑھانا ہوگی، 52 لاکھ سے زائد انکم ٹیکس گوشوارے جمع ہوئے ہیں، ٹیکس بیس میں 29 فیصد اضافہ کیا گیا ہے۔
وزیر خزانہ کا کہنا تھا کہ سرکاری کارپوریشنز میں چوری روکنا ہوگی، بجلی کے نقصانات قابو کریں گے، ٹیکس چوری کسی صورت برداشت نہیں کرسکتے۔
Advertisement
انہوں نے مزید کہا کہ پی آئی اے کی نجکاری نومبرمیں کردی جائے گی، پی آئی اے کی بولی میں حصہ لینے والوں کو جانچ پڑتال کا موقع دیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
