ججز ہمیشہ آزاد ہونے چاہیں تب ہی انصاف ممکن ہو گا، بیرسٹر گوہر

ویب ڈیسک

25th Oct, 2024. 12:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ججز ہمیشہ آزاد ہونے چاہیں تب ہی انصاف ممکن ہو گا، بیرسٹر گوہر

مذاکرات کے دروازے ہم نے نہیں حکومت نے بند کیے ہیں، بیرسٹر گوہر

اسلام آباد: پاکستان تحریک انصاف کے چیئرمین بیرسٹر گوہر نے کہا ہے کہ ججز ہمیشہ آزاد ہونے چاہیں تب ہی انصاف ممکن ہو گا۔

چیئرمین پی ٹی آئی بیرسٹر گوہر نے پارلیمنٹ ہاؤس میں میڈیا سے گفتگو کرتے ہوئے کہا کہ پہلی مرتبہ ہوا کہ عدالت کے اندر ایک اور عدالت قائم کی گئی۔

انہوں نے کہا کہ جوڈیشل کمیشن میں نان ججز کی تعداد 8 جبکہ ججز کی تعداد 5 رکھی گئی، اب وہ نان ججز ججوں کی اے سی آر لکھیں گے۔

بیرسٹر گوہر نے کہا کہ ہمیشہ یہی اصول رہا ہے کہ ہر ادارہ اپنا احتساب خود کرے گا، ججز ہمیشہ آزاد ہونے چاہیں تب ہی انصاف ممکن ہو گا۔

انکا کہنا تھا کہ عوام کے مسائل کم ہوں گے تو عوام کا پارلیمنٹ پر اعتماد بڑھے گا، موجودہ حکومت نے پارلیمان کو ربڑ سٹیمپ بنا دیا ہے، یہ اراکین پارلیمنٹ کو تحفظ نہیں دے سکے عوام کو کیا دیں گے۔

تحریک انصاف کے چیئرمین نے مزید کہا کہ ہم نے 4 ایم این ایز اور دو سینیٹرز کو شوکاز نوٹس جاری کیے ہیں، جن پانچ لوگوں نے آئینی ترامیم پر ووٹ دیے انہیں پارٹی سے نکالیں گے۔