پارلیمانی رہنماؤں کا اسپیکر قومی اسمبلی سردار ایاز صادق کو خط، ذرائع

ویب ڈیسک

08th Oct, 2024. 02:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پارلیمانی رہنماؤں کا اسپیکر قومی اسمبلی سردار ایاز صادق کو خط، ذرائع

خواجہ آصف کی کڑی تنقید: اسپیکر نے وزیراعظم کو خط لکھ دیا

اسلام آباد: پارلیمانی رہنماؤں نے الیکشن ترمیمی بل 2024 کے تناظر میں خواتین اور غیر مسلم اراکین اسمبلی کی نشستوں کے حوالے سے اسپیکر قومی اسمبلی سردار ایاز صادق کو خط لکھ دیا۔

ذرائع کے مطابق پارلیمانی رہنماؤں نے خط میں الیکشن ترمیمی بل 2024 کے تناظر میں خواتین اور غیر مسلم اراکین اسمبلی کی نشستوں کے حوالے سے الیکشن کمیشن کی طرف سے فیصلہ نہ کیے جانے پر اظہار تشویش کیا ہے۔

ذرائع کا کہنا ہے کہ پارلیمانی رہنماؤں نے اسپیکر قومی اسمبلی کو الیکشن کمیشن کو اس حوالے سے جلد فیصلہ کرنے کے لیے خط لکھنے کی درخواست بھی کی ہے۔

ذرائع نے بتایا کہ اسپیکر قومی اسمبلی سردار ایاز صادق نے پارلیمانی رہنماؤں کی درخواست پر الیکشن کمیشن کو دوسرا خط لکھ دیا۔

یاد رہے کہ اسپیکر قومی اسمبلی 19 ستمبر 2024 کو الیکشن کمیشن کو اس حوالے سے ایک خط پہلے ہی ارسال کرچکے ہیں۔

ذرائع نے مزید بتایا کہ خط میں یاد دہانی کرائی گئی ہے کہ آئینی ترمیمی بل2024 پاس ہوچکا ہے اب الیکشن کمیشن جلد سے جلد خواتین اور غیر مسلم اراکین کی نشستوں کے حوالے سے فیصلہ کرے۔

ذرائع کے مطابق خط میں مزید کہا گیا ہے کہ سیٹوں کے جلد فیصلے سے اس حوالے سے ابہام ختم ہوجائے گا اور پارلیمان مکمل فعال ہوکر عوامی فلاح و بہبود کے لیے بہتر طور پر اقدامات کرسکے گی۔