سیکیورٹی فورسز کی باجوڑ میں کارروائی، 2 خودکش بمباروں سمیت 9 خوارج جہنم واصل

سلمان علی اعوان

24th Oct, 2024. 10:32 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیکیورٹی فورسز کی باجوڑ میں کارروائی، 2 خودکش بمباروں سمیت 9 خوارج جہنم واصل

سیکیورٹی فورسز کے باجوڑ میں انٹیلیجنس بیسڈ آپریشن کے دوران 9 خوارج دہشت گرد جہنم واصل ہوگئے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے باجوڑ میں خوارجی دہشت گردوں کی موجودگی کی اطلاع پر انٹیلیجنس بیسڈ آپریشن کیا۔

کارروائی کے دوران سیکیورٹی فورسز اور خوارج دہشت گردوں کے درمیان شدید فائرنگ کا تبادلہ ہوا جس میں 9 خوارج دہشت گرد جہنم واصل ہوگئے۔

مارے جانے والے خوارج میں 2 خودکش بمبار اور انتہائی مطلوب خارجی سرغنہ سید محمد عرف قریشی استاد بھی جہنم واصل گئے۔

آئی ایس پی آر کے مطابق آپریشن کے دوران ہتھیار،گولیاں اوردھماکہ خیز مواد بھی برآمد ہوا۔

ہلاک خوارج دہشتگرد سیکیورٹی فورسز پر حملوں اور بےگناہ شہریوں کےقتل میں ملوث تھے۔علاقےمیں ممکنہ خوارج کے خاتمے کے لیے کلیئرنس آپریشن بھی کیا گیا۔

آئی ایس پی آر کا کہنا ہے کہ سیکیورٹی فورسز دہشتگردی کے خاتمے کے لیے پرعزم ہیں۔