ایس سی او اجلاس میں شرکت کرنے والے وفود کے سربراہان کی تفصیلات سامنے آگئیں

ویب ڈیسک

14th Oct, 2024. 10:16 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایس سی او اجلاس میں شرکت کرنے والے وفود کے سربراہان کی تفصیلات سامنے آگئیں

اسلام آباد: شنگھائی تعاون تنظیم (ایس سی او) کے 23 ویں سربراہی اجلاس میں شرکت کرنے والے وفود کے سربراہان کی تفصیلات سامنے آ گئیں۔

چین کے وزیراعظم لی چیانگ اور روس کے وزیراعظم میخائل مشوستن اپنے اپنے ملک کی نمائندگی کریں گے جبکہ بیلاروس کی نمائندگی وزیراعظم رومان گولوف چینکو کریں گے۔

ایران کے اول نائب صدر محمد رضا عارف ایس سی او کانفرنس میں شرکت کے لیے کل اسلام آباد پہنچیں گے اور قازقستان کے وزیراعظم اولژاس بیک تینوف اور تاجکستان کے وزیراعظم کوہر رسول زادہ بھی اسلام آباد آئیں گے۔

اس کے علاوہ کرغزستان کی نمائندگی کابینہ کے چیئرمین ژاپاروف عقیل بیگ کریں گے جبکہ ازبکستان کے وزیراعظم عبداللہ اریپوف اپنے ملک کی نمائندگی کریں گے۔

بطور خصوصی مہمان کانفرنس میں شرکت کرنے والے ترکمانستان کی نمائندگی کابینہ کے ڈپٹی چیئرمین راشد میری دوف کریں گے جبکہ مبصر ملک کی حیثیت سے منگولیا کے وزیراعظم اویون اردین لویسنا مسرایی اسلام آباد پہنچیں گے۔

واضح رہے کہ پاکستان 15 اور 16 اکتوبر کوشنگھائی تعاون تنظیم کے اجلاس کی میزبانی کرے گا، تاہم شہر اقتدار میں ہونے والے شنگھائی تعاون تنظیم کے سربراہ اجلاس کے تمام انتظامات مکمل کر لیے گئے ہیں۔