ڈونلڈ ٹرمپ کی کامیابی کا پاکستان سے کوئی لینا دینا نہیں، آغا سراج درانی

ویب ڈیسک

11th Nov, 2024. 11:59 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈونلڈ ٹرمپ کی کامیابی کا پاکستان سے کوئی لینا دینا نہیں، آغا سراج درانی

کراچی: سابق اسپیکر سندھ اسمبلی آغا سراج درانی نے کہا ہے کہ ڈونلڈ ٹرمپ کی کامیابی کا پاکستان سے کوئی لینا دینا نہیں۔

آغا سراج درانی نے کراچی کی احتساب عدالت میں پیشی کے بعد میڈیا سے گفتگو کرتے ہوئے کہا کہ ٹرمپ کی پاکستانی معاملات سے متعلق جو شوشا چھوڑا گیا ہے اس کی کوئی حقیقت نہیں ہے۔

انہوں نے کہا کہ ہمارا اپنا قانون ہے اور امریکہ کا اپنا قانون ہے، دس برس اسپیکر رہا ہوں، اب بوجھ اتر گیا ہے، میرے زمانے میں سخت اپوزیشن تھی، سندھ اسمبلی نے پاکستان بنایا۔

پی پی رہنما کا کہنا تھا کہ پارلیمنٹ کو پارلیمنٹ کی طرح ہی چلانا چاہیے، اپوزیشن کبھی بھی فرینڈلی نہیں ہوتی، اگر اپوزیشن کو ہاؤس میں موقع نہیں ملے گا تو باہر بولیں گے، بہتر ہے ہاؤس میں اپنی بھڑاس نکالیں۔

آغا سراج درانی نے کہا کہ نیب ترمیم کے تحت ہمارا کیس بنتا نہیں ہے، چھ سال ہوگئے ہیں اسی طرح کیس چل رہا ہے، عدالت جب بلاتی ہے حاضر ہوتے ہیں، پہلے بھی مقدمات کا سامنا کیا ہے۔

انہوں نے مزید کہا کہ پی پی لیڈر اور کارکنان نے ہمیشہ مقدمات کا سامنا کیا ہے، اگر مقدمات مقررہ مدت میں نمٹائے نہیں جاتے تو انہیں ختم کردینا چاہیے، تاریخ پر تاریخ کا مقصد ہی یہی ہوتا ہے کہ عدالتوں میں آتے رہیں، تیس برسوں سے میڈیا ٹرائل ہورہا ہے، مقدمات کا سامنا کرنا چاہیے جو حقائق ہیں وہ سامنے آجاتے ہیں۔