کراچی؛ ناقص نکاسی آب اور گندگی سے درجنوں بیماریاں جنم لینے لگیں

مریم حسن

03rd Nov, 2024. 12:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی؛ ناقص نکاسی آب اور گندگی سے درجنوں بیماریاں جنم لینے لگیں

کراچی کا خستہ انفراسٹرکچر، ناقص نکاسی آب اور گندگی درجنوں بیماریوں کا سبب بن گئی ہے۔

محکمہ صحت سندھ کے مطابق آلودہ فضا کے سبب شہر میں آشوب چشم، جلد کی بیماری فنگس اور ایگزیما پھیلنے لگا ہے، جبکہ رواں برس شہر میں آلودہ پانی سے ڈائریا اور ٹائفائیڈ کے ہزاروں کیسز رپورٹ ہوئے ہیں۔

محکمہ صحت سندھ نے بتایا کہ گندگی اور ناقص نکاسی آب کے سبب ڈینگی، ملیریا اور چکن گونیا بھی بے قابو ہوگیا ہے، اس کے علاوہ سندھ بھر میں ڈائریا سے 6 لاکھ 36 ہزار 923 کیسز کی تصدیق، جبکہ ہیضہ کے 131 کیسز رپورٹ ہوئے ہیں۔

ٹائفائیڈ کے 6 ہزار 141 کیسز، ایکس ڈی آر ٹائفائیڈ کے 6 ہزار 783 کیسز رپورٹ، جبکہ رواں برس خناق کے 70 کیسز رپورٹ ہوئے ہیں۔

رواں سال مچھروں کے کاٹنے سے ڈینگی ، ملیریا اور چکن گونیا کے بھی ہزاروں کیسز رپورٹ ہوئے، جبکہ ملیریا کے 2 لاکھ 53 ہزار 785، ڈینگی کے 2 ہزار کیسز، اس کے علاوہ چکن گونیا کے181 کیسز کی تصدیق ہوچکی ہے۔