اسلام آباد: پی ٹی آئی کے بانی رہنما اکبر ایس بابر نے کہا ہے کہ پی ٹی آئی جلسے میں امریکی جھنڈا لہرا کر غلامی کا ثبوت دیا گیا۔

اکبر ایس بابر نے الیکشن کمیشن کے باہر میڈیا سے گفتگو کرتے ہوئے کہا کہ پی ٹی آئی کے انٹرا پارٹی الیکشن کے فراڈ پر پیشی تھی، 03 مارچ کو ایک پی ٹی آئی کے الیکشن کا فراڈ ہوا تھا، ہماری کیس کی سماعت چار دسمبر تک ملتوی کر دی گئی۔

انہوں نے کہا کہ دس سال پہلے میں نے فارن فنڈنگ کے حوالے سے کیس کیا تھا، اگر ہمارا کوئی مغربی ملک ہوتا تو پی ٹی آئی کا کی ٹاپ لیڈرشپ آج جیلوں میں ہوتی۔

پی ٹی آئی رہنما کا کہنا تھا کہ 24نومبر کی کال مس کال ثابت ہوگی، وقت پر اگر انتشار کو پکڑا جاتا تو آج حالات مختلف ہوتے، آج پی ٹی آئی کے جلسوں میں امریکہ کا جھنڈا لہرایا جاتا ہے، ہم ملک کو امریکہ کی غلامی میں نہیں جانے دیں گے۔

اکبر ایس بابر نے کہا کہ ہم پی ٹی آئی کے بانی رہنماؤں میں سے ایک ہیں، ہمارے سب بنیادی حقوق داؤ پر لگا دیے گئے ہیں، موجودہ پی ٹی آئی رہنما یہ سب ایلنز ہیں، پاکستان تحریک انصاف مکمل طور پر ہاییجیک ہو چکی ہے۔

انہوں نے کہا کہ ملک کی سیاست ایک بندر بان کی حیثیت اختیار کر چکی ہے، پاکستان میں نہ آئین ہے نہ قانون ہے، پاکستان کی سیاست جمہوریت کے نام پر ایک دھوکہ ہے۔

انکا مزید کہنا تھا کہ چین اپنی سیاسی جماعتوں میں انصاف لے کر آئے، جمہوریت لے کر آئے، برطانیہ میں سیاسی جماعتوں میں بادشاہت نہیں ہوتی، ہمارے عدالتی نظام کے ساتھ مذاق ہو رہا ہے، جو عدالتوں کا وقت ضائع کرتے ہیں، ان کے لائسنس کینسل ہونے چاہیے۔