پی ٹی آئی والے کارکنوں کی اموات کا جھوٹا پروپیگنڈا کررہے ہیں، دانیال چوہدری

ویب ڈیسک

27th Nov, 2024. 01:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی والے کارکنوں کی اموات کا جھوٹا پروپیگنڈا کررہے ہیں، دانیال چوہدری

اسلام آباد: پارلیمانی سیکریٹری اطلاعات بیرسٹر دانیال چوہدری نے کہا ہے کہ پی ٹی آئی والے کارکنوں کی اموات کا جھوٹا پروپیگنڈا کررہے ہیں۔

بیرسٹر دانیال چوہدری نے نیوز کانفرنس کرتے ہوئے کہا کہ جتھے نے اسلام آباد پر حملہ کرنے کی کوشش کی، پی ٹی آئی جتھوں کا مقصد معیشت کو ڈی ریل کرنا تھا۔

انہوں نے کہا کہ پی ٹی آئی والے کارکنوں کی اموات کا جھوٹا پروپیگنڈا کررہے ہیں، پی ٹی آئی والے لاشوں کی سیاست کرنے آئے تھے، شرپسند علی امین، بشریٰ بی بی کی ایما پر فائرنگ کرتے رہے۔

پارلیمانی سیکریٹری اطلاعات کا کہنا تھا کہ سیکیورٹی فورسز نے پاکستان کے کل کے لیے اپنا آج قربان کیا، پی ٹی آئی سوشل میڈیا بریگیڈ جھوٹ، لغو خبریں پھیلانے میں مصروف ہے، حکومت کسی بھی صورت اپنے شہریوں کو نشانہ نہیں بناتی۔

دانیال چوہدری نے مزید کہا کہ قانون نافذ کرنے والےاداروں نے سمجھداری سے علاقے کو کلیئر کیا، مختلف مقامات سے 900 پی ٹی آئی شرپسندوں کو گرفتار کیا گیا، پی ٹی آئی احتجاج میں 37 افغان شرپسندوں کو لایا گیا تھا۔