موسمیاتی تبدیلی کا چیلنج پائیدار ترقی میں رکاوٹ بن رہا ہے، یوسف رضا گیلانی

ویب ڈیسک

04th Nov, 2024. 11:47 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موسمیاتی تبدیلی کا چیلنج پائیدار ترقی میں رکاوٹ بن رہا ہے، یوسف رضا گیلانی

قائم مقام صدر یوسف رضا گیلانی نے کہا ہے کہ موسمیاتی تبدیلی کا چیلنج پائیدار ترقی میں رکاوٹ بن رہا ہے۔

یوسف رضا گیلانی نے 27ویں سالانہ پائیدار ترقی کانفرنس کے افتتاحی سیشن سے خطاب کرتے ہوئے کہا کہ پائیدار ترقی اہداف کے حصول کے لیے غیرمتزلزل عزم ناگزیر ہے۔

انہوں نے کہا کہ آج ہمیں موسمیاتی تبدیلی کا بڑاچیلنج درپیش ہے، موسمیاتی تبدیلی کا چیلنج پائیدار ترقی میں رکاوٹ بن رہا ہے، موسمیاتی تبدیلی سے نمٹنے کے لیے اجتماعی کوششیں درکار ہیں۔

قائم مقام صدر کا کہنا تھا کہ پاکستان موسمیاتی تبدیلی سے نمٹنے کے لیے اقدامات کررہا ہے، پائیدار ترقی اہداف کو قومی ترقی کے ایجنڈے سے ہم آہنگ کیا ہے، پاکستان ماحولیاتی تبدیلی سے شدید متاثر ہے۔

یوسف رضا گیلانی نے مزید کہا کہ پاکستان کی پارلیمنٹ ماحول دوست توانائی پر منتقل پہلی پارلیمنٹ ہے، نظم ونسق سمیت دیگر شعبوں میں مصنوعی ذہانت کی اہمیت بڑھ گئی ہے، غذائی تحفظ کے لیے ٹھوس اقدامات ناگزیر ہیں۔