تحریک انصاف پر پابندی عائد کرنے کی قرارداد پیش

ویب ڈیسک

28th Nov, 2024. 02:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تحریک انصاف پر پابندی عائد کرنے کی قرارداد پیش

کوئٹہ: بلوچستان کا آئندہ مالی سال کا بجٹ آج پیش کیا جائے گا

کوئٹہ: بلوچستان اسمبلی میں تحریک انصاف پر پابندی عائد کرنے کی قرارداد پیش کردی گئی۔

بلوچستان اسمبلی میں تحریک انصاف پر پابندی عائد کرنے کی قرارداد مسلم لیگ (ن) اور پیپلز پارٹی کے اراکین کی جانب سے پیش کی گئی ہے۔

قرارداد پیش کرنے والوں میں میر سلیم کھوسہ، عاصم کرد گیلو، راحیلہ درانی، برکت رند، رزک مندوخیل، صادق عمرانی اور بخت کاکڑ شامل ہیں۔

قرارداد کے متن میں کہا گیا ہے کہ تحریک انصاف نے حالیہ دنوں میں ایک بار پھر پرتشدد کارروائیاں کی ہیں اور ملک میں سیاسی انتشار پیدا کیا۔

محرکین کے مطابق خیبر پختونخوا اسمبلی کی جانب سے سیکیورٹی فورسز کے خلاف قرارداد اور انہیں نشانہ بنانا حقائق کے منافی ہے۔

میر سلیم کھوسہ نے کہا کہ تحریک انصاف سیاسی انتشار کے ذریعے عوام کو بے چینی اور تکلیف میں مبتلا کر رہی ہے جس کا خاتمہ ضروری ہے۔

انہوں نے مطالبہ کیا کہ ملک کے امن و استحکام کے لیے تحریک انصاف پر فوری طور پر پابندی عائد کی جائے۔

آج کے اجلاس میں اس قرارداد پر بحث متوقع ہے جس میں اسمبلی کے اراکین قرارداد کے حق یا مخالفت میں اپنی رائے پیش کریں گے۔