ایف پی سی سی آئی کے صدر عاطف اکرام شیخ نے کہا ہے کہ متحدہ عرب امارات (یو اے ای) نے ہمیشہ پاکستان کی مدد کی ہے۔

ایف پی سی سی آئی میں متحدہ عرب امارات کے  53ویں قومی دن “عید الاتحاد” کی تقریب کا انعقاد ہوا۔

یو اے ای کے سفیر حمد عبید ابراہیم سلیم الزابی اور قونصل جنرل بخیت عتیق الرومیتی نے تقریب میں بطور مہمان خصوصی شرکت کی۔

ایف پی سی سی آئی کے صدر عاطف اکرام شیخ اور سینیئر نائب صدر ثاقب فیاض مگوں بھی تقریب موجود تھے۔

تقریب میں شہر بھر کی کاروباری شخصیات نے بھی شرکت کی۔

اس موقع پر ایف پی سی سی آئی کے صدر عاطف اکرام شیخ نے تقریب سے خطاب کرتے ہوئے کہا کہ یو اے ای کے سفیر اور قونصل جنرل کو خوش آمدید کہتے ہیں، آپ کو یو اے ای کے 53 ویں قومی دن پر بہت بہت مبارک ہو۔

انہوں نے کہا کہ متحدہ عرب ممالک پاکستان کا قریبی دوست بھی ہے، یو اے ای کے ساتھ تجارتی تعلقات بھی ہیں، یو اے ای نے بہت تیزی سے ترقی کی ہے۔

ان کا کہنا تھا کہ یو اے اے ہم سب کے لئے ایک بہت بڑی مثال ہے، پاکستان اور یو اے ای دو دوست ہیں، یو اے ای نے ہمیشہ پاکستان کی مدد کی ہے۔

 عاطف اکرام شیخ نے کہا کہ ، یو اے ای نے پاکستان کی مشکل صورتحال پر ہمیشہ ہر سطح پر مدد کی ہے، یو اے ای میں لاکھوں پاکستانی ملازمتیں بھی کرتے ہیں، پاکستانی یو اے ای سے دوسری نمبر پر ترسیلات زر سب سے زیادہ بجھتے ہیں۔

صدر ایف پی سی سی آئی کا کہنا تھا کہ میں عید الاتحاد کی سب کو مبارکباد پیش کرتا ہوں، عزت مآب سفیر کی فیڈریشن ہاؤس آمد ایک اعزاز ہے، ہمارا دہائیوں کا عزت و تکریم کا تعلق ہے، مشکل حالات میں ہمارا باہمی تعاون رہا ہے، یو اے ای پاکستانیوں کا دوسرا گھر ہے۔

انہوں نے کہا کہ ہم دو قومیں نہیں دو بھائی ممالک ہیں، یو اے ای نے پاکستان کی نمو اور پائیداری میں بھرپور تعاون کیا ہے، پاکستان نے یو اے ای کی ڈویلپمنٹ میں کافی تعاون کیا ہے۔

ان کا مزید کہنا تھا کہ دو ممالک کے مابین باہمی اعتماد سے خطے میں امن کو فروغ ملا ہے، یو اے ای مشرق وسطیٰ میں پاکستان کا سب سے اہم شراکت دار ہے، گلوبلائزیشن کے اس دور میں پاک یو اے ای دوستی دونوں ممالک کی ترقی کا سبب بنے گی۔