مخصوص عناصر کو ملکی ترقی ہضم نہیں ہورہی، دانیال چوہدری

ویب ڈیسک

20th Nov, 2024. 06:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مخصوص عناصر کو ملکی ترقی ہضم نہیں ہورہی، دانیال چوہدری

لاہور: مسلم لیگ ن کے رہنما بیرسٹر دانیال چوہدی نے پی ٹی آئی پر تنقید کرتے ہوئے کہا کہ مخصوص عناصر کو ملکی ترقی ہضم نہیں ہورہی۔

مسلم لیگ ن کے رہنما دانیال چوہدی کا کہنا ہے کہ ہمیشہ پاکستان کو بحرانوں سے نکالا، عوام کو ریلیف دینا ترجیح ہے۔

انہوں نے کہا کہ آئی ٹی شعبے کی برآمدات میں ریکارڈ اضافہ ہوا، حکومتی اقدامات سے ملک درست سمت میں گامزن ہے جب کہ مخصوص عناصر کو ملکی ترقی ہضم نہیں ہورہی ہے۔

ان کا کہنا تھا کہ ہمیں کارکردگی کی بنیاد پر ووٹ ملتے ہیں، پنجاب میں کسانوں کی فلاح و بہبود کے لیے اقدامات کیے جارہے ہیں۔

دانیال چوہدری کہتے ہیں کہ زرعی شعبے کی برآمدات کے فروغ پرخصوصی توجہ دی جارہی ہے، صنعتی شعبے میں نمایاں ترقی ہوئی ہے۔

مسلم لیگ ن کے رہنما نے بتایا کہ بجلی کے بلوں میں عوام کو ریلیف فراہم کیا، حکومتی اقدامات سے مہنگائی کی شرح میں کمی ہوئی ہے۔

لیگی رہنما مزید کہتے ہیں کہ پالیسی ریٹ میں مسلسل کمی ہورہی ہے، بیرونی سرمایہ کاروں کا پاکستان پر اعتماد بڑھ رہا ہے جب کہ چند عناصر ملک میں انتشار چاہتے ہیں۔