صدراوروزیراعظم کی شمالی وزیرستان میں کامیاب آپریشن پرسیکیورٹی فورسزکی پزیرائی

صدر اور وزیراعظم کی شمالی وزیرستان میں کامیاب آپریشن پر سیکیورٹی فورسز کی پزیرائی

ویب ڈیسک

10th Nov, 2024. 11:34 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر اور وزیراعظم کی شمالی وزیرستان میں کامیاب آپریشن پر سیکیورٹی فورسز کی پزیرائی

اسلام آباد: صدر مملکت آصف علی زرداری اور وزیرِ اعظم محمد شہباز شریف نے سپین وام، شمالی وزیرِستان میں فتنہ الخوارج کے خلاف کامیاب آپریشن پر سیکیورٹی فورسز کے افسران و جوانوں کی پزیرائی کی ہے۔

صدر آصف زرداری نے شمالی وزیرستان میں خوارج کے خِلاف انٹیلی جنس بیسڈ آپریشن کرنے پر سیکیورٹی فورسز کو خراج تحسین پیش کیا اور کامیاب کارروائی میں 6 خوارج کو جہنم واصل اور 6 کو زخمی کرنے پر سیکیورٹی فورسز کی بہادری کو سراہا۔

صدر مملکت نے سیکیورٹی فورسز کی پیشہ ورانہ مہارت کی تعریف بھی کی اور دہشت گردی کے مکمل خاتمے کے قومی عزم کا بھی اظہار کیا۔

مزید پڑھیں: شمالی وزیرستان میں سیکیورٹی فورسز کا آپریشن؛ 6 خارجی دہشت گرد جہنم واصل

آصف زرداری نے مزید کہا کہ پاکستان کی بہادر سیکیورٹی فورسز دہشت گرد عناصر کے خاتمے کیلئے کارروائیاں جاری رکھیں گی۔

دوسری جانب وزیرِ اعظم شہباز شریف نے بھی چھ خارجیوں کو جہنم واصل کرنے اور 6 کو زخمی کرکے گرفتار کرنے پر سیکیورٹی فورسز کی پیشہ ورانہ صلاحیتوں کی تعریف کی اور کہا کہ دہشتگردی کی عفریت کے ملک سے مکمل خاتمے تک اس کے خلاف جنگ جاری رکھیں گے۔

انہوں نے مزید کہا کہ ملک میں دہشتگردی اور انتشار پھیلانے والے عناصر کے مکمل خاتمے کیلئے پوری قوم سیکیورٹی فورسز کے شانہ بشانہ کھڑی ہے۔