پشاور: خیبرپختونخوا کے ضم اضلاع کے لئے سالانہ ترقیاتی فنڈز جاری کرنے کا فیصلہ کر لیا گیا۔

محکمہ خزانہ نے اے ڈی پی سے 2 ہزار ملین روپے جاری کرنے کی منظوری دے دی۔

مراسلے میں کہا گیا کہ ترقیاتی فنڈز ضم اضلاع میں مختلف شعبوں کے لئے جاری کیے جائیں گے، زراعت کے شعبے کے لئے 15 ملین روپے اور اوقاف حج کے لئے 1 ملین روپے جاری کرنے کا فیصلہ کیا گیا ہے۔

بورڈ آف ریونیو کے لئے 5 ملین، پینے کے پانی اور سینی ٹیشن کے لئے 5 سو ملین روپے، ایلیمنٹری اینڈ سکینڈری ایجوکیشن کے لئے 135 ملین اور انرجی کے لئے 6 ملین روپے جاری کیے جائیں گے۔

مراسلے کے مطابق اسٹیبلشمنٹ اینڈ ایڈمنسٹریشن کے لئے 5 ملین جبکہ ایکسائز کے لئے 2 ملین روپے اور جنگلات کے لئے 2 ملین روپے جاری ہوں گے۔

اس کے علاوہ ضم اضلاع کے شعبہ صحت کے لئے 3 سو ملین روپے  ہائیر ایجوکیشن کے لئے 25 ملین روپے اور ہوم کے لئے 240 ملین روپے، انڈسٹریز کے لئے 18 ملین روپے، پانی کے لئے 144 ملین روپے، سڑکوں کے لئے 300ملین روپے، منرل اینڈ مائنز کے لئے 3 ملین روپے، لوکل گورنمنٹ کے لئے 30 ملین روپے جاری ہوں گے۔

مراسلے میں مزید کہا گیا کہ ضم اضلاع کے ترقیاتی فنڈز کے تحت لائیو اسٹاک کے شعبے کے لئے 23 ملین روپے اور لاء اینڈ جسٹس کے لئے 5 ملین روپے جاری کیے جائیں گے۔