اسلام آباد میں پی ٹی آئی کا احتجاج: کارکنان نے علی امین گنڈاپور کو بوتل مار دی

ویب ڈیسک

26th Nov, 2024. 07:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد میں پی ٹی آئی کا احتجاج: کارکنان نے علی امین گنڈاپور کو بوتل مار دی

اسلام آباد: وفاقی دارالحکومت میں پاکستان تحریک انصاف کے احتجاج کے دوران کارکنان نے وزیر اعلیٰ خیبرپختونخوا علی امین گنڈاپور کو بوتل مار دی۔

اسلام آباد میں پی ٹی آئی کے احتجاج کے دوران علی امین گنڈاپور پر کارکنان کی جانب سے حملے کی کوشش کی گئی ہے۔

کارکنان نے علی امین گنڈاپور کو بوتل دے ماری اور انہیں گاڑی سے باہر نکل کر خطاب کرنے کی کوشش کے دوران بھی شدید مزاحمت کا سامنا کرنا پڑا ہے۔

علی امین گنڈاپور اپنی گاڑی سے باہر نکل کر کارکنان سے خطاب کرنا چاہتے تھے لیکن کارکنان نے انہیں ڈی چوک جانے کی ہدایت کی اور انکار پر کارکنان نے گنڈاپور کی گاڑی کا گھیراؤ کرلیا۔

اس دوران کارکنان نے نعرے بازی کی اور گنڈاپور کے خلاف شدید برہمی کا اظہار کرتے ہوئے ان کا کہنا تھا کہ گولیاں ہم کھائیں اور خود گاڑی میں بیٹھے ہوں۔

اس ناخوشگوار صورتحال کے بعد علی امین گنڈاپور نے اپنی سیکیورٹی کو طلب کیا اور دوبارہ گاڑی میں سوار ہوگئے۔