پشاور: 29 نومبر کو وزیر اعلیٰ خیبرپختونخوا علی امین گنڈاپور نے ایک بار پھر اپنی سیاسی اور اخلاقی شکست تسلیم کرتے ہوئے ایک انتہائی جھوٹ پر مبنی اور زہر آلود تقریر کی ہے۔

ایک ایسے بد قسمت صوبے کے وزیر اعلیٰ کی طرف سے ایسی تقریر جس میں پاک فوج کے خلاف بد ترین ہرزہ سرائی اُس وقت کی گئی جب پاک فوج اِسی وزیر اعلیٰ کی صوبے میں بدترین گورننس کی ناکامیوں کی پاداش میں روزانہ کی بنیادوں پر دہشت گردی کی جنگ میں خون سے بھاری قیمت ادا کر رہی ہے-

ہر کچھ عرصے کے بعد وفاق پر حملہ آور ہونے والے اس سیاسی نابلد وزیراعلیٰ کا صوبہ اس وقت سنگین ترین مسائل کا شکار ہے جب کہ یہ شخص سرکاری وسائل کا بے دریغ اور بے رحمانہ استعمال کرتے ہُوئے وفاق پر حملہ آور ہے۔

اسمبلی کے فلور پر کھڑے ہوکر گنڈاپور نے پاک فوج کے جوانوں پر احتجاج میں گولیاں چلانے کا گھٹیا ترین اور مکمل طور پر بے بنیاد الزام لگایا اور ان کے خاندانوں کو بھی اپنی گندی سیاست کی بھینٹ چڑھایا۔ اس کے علاوہ گنڈا پور نے گورنر راج لگانے کی بھی سازش کی۔

سوال یہ پیدا ہوتا ہے کہ نکمے اور نااہل ترین وزیر اعلیٰ نے ایسا کیوں کیا؟

جواب بہت سادہ اور قابل فہم ہے کہ یہ شخص یہ بات جان چکا ہے کہ یہ نہ تو صوبے میں کوئی کام کرسکتا ہے اور نہ ہی لوگوں کو کوئی ریلیف دے سکتا ہے جب کہ احتجاج کی ناکامی کے بعد اس کی پارٹی بھی پر بھی گنڈا پور کی اصلیت ظاہر ہوچکی ہے۔

یہ ہرزہ سرائی گنڈاپور نے صرف سیاسی شہید بننے کے لیے کی ہے تاکہ وہ نکالے جانے کے بعد اس پر اپنی سیاست چمکا سکے اور اپنے کلٹ پیرکاروں کو فوج کے خلاف مزید بھڑکا سکے لیکن یہ حربے اس نکمے وزیر اعلیٰ کی سیاسی موت ثابت ہوں گے جب پختونخوا کے عوام ہی علی امین گنڈا پور کو وزیراعلیٰ ہاؤس سے چلتا کریں گے۔