وفاقی وزیراطلاعات عطاتارڑ نے کہا کہ بانی پی ٹی آئی کوکرپشن کےکیسز کا ہرسطح پرجواب دینا ہوگا۔

وفاقی وزیراطلاعات عطاتارڑ نے نیوز کانفرنس کرتے ہوئے کہا کہ قومی کرکٹ ٹیم نے آج بہترین کھیل کامظاہرہ کیا، توقع ہے آنے والے دنوں میں کرکٹ ٹیم مزید کامیابیاں حاصل کرےگی۔

عطاتارڑ نے کہا کہ وزیراعظم اتوار کو سعودی عرب روانہ ہوں گے، وزیراعظم فلسطین پر ہونے والی کانفرنس میں شرکت کریں گے، تمام مسلم ممالک غزہ کے معاملے پر ریاض میں اکٹھے ہورہے ہیں، جبکہ وزیراعظم نے ہر موقع پر فلسطین کےمعاملےکواٹھایا ہے، فلسطین کےمیڈیکل طلباپاکستان میں تعلیم حاصل کررہے ہیں۔

ان کا یہ بھی کہنا تھا کہ آذربائیجان نے پاکستان میں 2 ارب ڈالر کی سرمایہ کاری کااعلان کیا، یواے ای کاوفد آج وزیراعظم سےملاقات کررہا ہے۔

عطاتارڑ کا یہ بھی کہنا تھا کہ کوئٹہ میں پی ٹی آئی کو جلسے کی ناکامی کا ڈرتھا، پی ٹی آئی نے اجازت نہ ملنےکا بہانہ بناکر جلسےکو منسوخ کردیا، اساتذہ کو احتجاج کی اجازت نہیں دیتے،خود دھاوے بولتے ہیں، کوئٹہ میں جلسےکامقصداین آراوکا حصول ہے۔

انہوں نے کہا کہ سوشل میڈیا پر مہم چلائی جارہی ہے بانی پی ٹی آئی رہا ہوجائے گا،کے پی حکومت کاسارا فوکس سیاسی محاذآرائی پرہے، جبکہ آج وزیراعظم بجلی کےشعبے میں بڑےاعلانات کرنے جارہےہیں۔

عطاتارڑنے کہا کہ اکتوبر 2024 میں 3.1 ارب ڈالرکی ترسیلات زرپاکستان آئی ہیں، پاکستان کی کرنسی مستحکم ہے، معاشی اعشاریے بہتر ہورہے ہیں، معیشت مستحکم سے اب ترقی کی طرف بڑھ رہی ہے۔

ان کا مزید یہ بھی کہنا تھا کہ تمام ممالک سےاچھےتعلقات چاہتےہیں، پاکستان ترقی کررہاہے  اور کرتارہےگا، قاضیٰ فائزعیسیٰ کے ساتھ لندن میں جو ہوا اب معافی مانگ رہےہیں، احتجاج ضرورکریں مگرکسی گاڑی پرحملہ کرنے پر ایکشن ہوگا، پاک چین دوستی مثالی دوستی ہے، ہرجگہ جلسہ کرلیاصوابی  میں بھی کرکے دیکھ لیں۔