وزیر اعظم کی قلات میں دہشتگردوں کے سیکیورٹی فورسز پر حملے کی مذمت

ویب ڈیسک

17th Nov, 2024. 10:17 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعظم کی قلات میں دہشتگردوں کے سیکیورٹی فورسز پر حملے کی مذمت

اسلام آباد: وزیرِ اعظم محمد شہباز شریف نے ضلع قلات کے علاقے شاہِ مردان میں دہشتگردوں کے سیکیورٹی فورسز پر حملے کی شدید الفاظ میں مذمت کی ہے۔

وزیرِ اعظم نے 6 دہشتگردوں کو جہنم واصل کرنے اور 4 کو زخمی کرکے گرفتار کرنے پر سیکیورٹی فورسز کے افسران و جوانوں کی پزیرائی کی۔

وزیرِ اعظم نے دہشتگردوں کا بہادری سے مقابلہ کرتے ہوئے جام شہادت نوش کرنے والے 7 بہادر جوانوں کو خراج عقیدت پیش کیا اور شہداء کے اہلِ خانہ سے اظہار تعزیت، صبر جمیل اور شہداء کی بلندی درجات کی دعا کی۔

انہوں نے کہا کہ دہشتگردوں کے ملک سے مکمل خاتمے تک ان کے خلاف جنگ جاری رکھیں گے، دہشتگردی کے خلاف جنگ میں پوری قوم اپنے بہادر جوانوں کے شانہ بشانہ کھڑی ہے۔

شہباز شریف نے مزید کہا کہ ملکی بقاء کی خاطر افواج پاکستان کے جوانوں اور ان کے اہل خانہ کی لازوال قربانیاں ہیں، مجھ سمیت پوری قوم کو اپنے شہداء اور ان کے اہل خانہ پر فخر ہے۔