ہمیں سمندری آلودگی کو ختم کرنے کے لئے مل کر اقدامات کرنے ہوں گے، مراد علی شاہ

ویب ڈیسک

13th Nov, 2024. 01:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہمیں سمندری آلودگی کو ختم کرنے کے لئے مل کر اقدامات کرنے ہوں گے، مراد علی شاہ

وزیراعلیٰ سندھ سید مراد علی شاہ نے کہا ہے کہ ہمیں سمندری آلودگی کو ختم کرنے کے لئے مل کر اقدامات کرنے ہوں گے۔

وزیراعلیٰ سندھ سید مراد علی شاہ سے وفاقی وزیر برائے سمندری امور قیصر شیخ کی ملاقات ہوئی ہے۔

سیکریٹری ٹو سی ایم رحیم شیخ اور چیئرمین قاسم پورٹ ریئر ایڈمرل ناصر شاہ ملاقات میں موجود ہیں۔

ملاقات میں ماہیگیروں کے مسائل سے متعلق بات چیت کی گئی۔

وزیراعلیٰ سندھ سید مراد علی شاہ نے کہا کہ بڑے ٹرالر (بڑی جال کھیچنے والی کشتی) کی وجہ سے مچھلی کی افزائش کو نقصان پہنچتا ہے، ٹریٹمینٹ پلانٹ لگانے کا پروجیکٹ ایڈوانس اسٹیج پر ہے۔

انہوں نے کہا کہ ویسٹ واٹر ٹریٹ کر کے صنعتوں کو مہیا کریں گے، کمبائینڈ افیولینٹ ٹریٹمینٹ کے لیئے وفاقی حکومت آگے آئے۔

وفاقی وزیر برائے سمندری امور قیصر شیخ کا کہنا تھا کہ عالمی معاہدہ کے تحت سیوریج ٹیٹمینٹ ضروری ہے، سمندری آلودگی کے خاتمے کیلئے وفاق کام کر رہا ہے۔

سندھ اور وفاق نے کیٹی بندر پورٹ بنانے پر اتفاق کیا۔

وزیراعلیٰ سندھ سید مراد علی شاہ نے کہا کہ کیٹی بندر پورٹ بنانا وقت کی ضرورت ہے۔

وفاقی وزیر قیصر شیخ کا کہنا تھا کہ وفاق اور صوبائی حکومتیں مل کر کیٹی بندر بنا سکتی ہیں۔