ججز کے خلاف جھوٹی شکایات کے اندراج پر کارروائی کا فیصلہ

طیب بلوچ

08th Nov, 2024. 05:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ججز کے خلاف جھوٹی شکایات کے اندراج پر کارروائی کا فیصلہ

اسلام آباد: سپریم جوڈیشل کونسل کے اجلاس میں ججز کے خلاف جھوٹی شکایات کے اندراج پر کارروائی کا فیصلہ کیا گیا ہے۔

سپریم جوڈیشل کونسل اجلاس کا اعلامیہ جاری کردیا گیا ہے جس میں میں بڑے فیصلے سامنے آئے ہیں جب کہ ججز کے خلاف جھوٹی شکایات کے اندراج پر کارروائی کا فیصلہ کیا گیا ہے۔

اعلامیے میں بتایا گیا ہے کہ جوڈیشل کونسل اجلاس زیر التواء شکایتوں پر ہر ماہ بلانے کا فیصلہ کیا گیا ہے، ججز کے خلاف جھوٹی شکایت کے اندراج پر شکایت کنندہ کے خلاف کارروائی ہوگی۔

اجلاس میں اسلام آباد ہائی کورٹ کے چھ ججز خط کے مطابق کوڈ اف کنڈکٹ 209(8) پر غور کیا گیا، جوڈیشل کونسل کا کوڈ ججز کے علاوہ دیگر اداروں پر لاگو ہوتا ہے۔

اعلامیے کے مطابق کوڈ اف کنڈکٹ کے معاملے پر مشاورت کے دائرہ کار کو وسیع کرنے کا فیصلہ کیا گیا جب کہ آئندہ اجلاس میں کوڈ اف کنڈکٹ ترمیم پر غور کیا جائے گا۔