پاک افغان سرحد پر خارجی دہشت گردوں کی در اندازی کی کوشش ناکام، 3 دہشت گرد جہنم واصل

سلمان علی اعوان

26th Nov, 2024. 05:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک افغان سرحد پر خارجی دہشت گردوں کی در اندازی کی کوشش ناکام، 3 دہشت گرد جہنم واصل

راولپنڈی: سیکیورٹی فورسز نے پاک افغان سرحد پر خارجی دہشت گردوں کی در اندازی کی کوشش ناکام بناتے ہوئے 3 دہشت گردوں کو جہنم واصل کردیا۔

پاک فوج کے شعبہ تعلقات عامہ (آئی ایس پی آر) کے مطابق پاک افغان سرحد پر خارجی دہشت گردوں کی جانب سے در اندازی کی کوشش ناکام بنادی گئی ہے۔

آئی ایس پی آر نے بتایا کہ سیکیورٹی فورسز نے کارروائی کرتے ہوئے 3 دہشت گردوں کو جہنم واصل کردیا۔

پاک فوج کے شعبہ تعلقات عامہ کا کہنا ہے کہ 25 اور 26 نومبر کی رات سیکیورٹی فورسز نے خوارج کے گروہ کی جانب سے در اندازی کی کوشش کو ناکام بنایا ہے۔

ترجمان پاک کے مطابق خوارج کا گروہ شمالی وزیرستان میں حسن خیل کے علاقے سے پاک افغان انٹرنیشنل بارڈر پار کرنے کی کوشش کر رہا تھا۔

آئی ایس پی آر نے کہا کہ پاکستان افغان عبوری حکومت سے مسلسل بارڈر مینجمنٹ کا تقاضا کرتا چلا آیا ہے، توقع ہے افغان عبوری حکومت اپنی ذمہ داریاں بخوبی ادا کرے گی۔

آئی ایس پی آر کا یہ بھی کہنا ہے کہ توقع ہے کہ افغان حکومت خارجیوں کی جانب سے اپنی سرزمین کو پاکستان کے خلاف دہشت گردی کے لیے استعمال ہونے سے روکے گی۔

ترجمان پاک نے مزید کہا کہ پاکستان کی سیکیورٹی فورسز اپنی سرحدوں کو محفوظ بنانے اور دہشت گردی کے خاتمے کے لیے پرعزم ہیں۔