وزیر داخلہ کا نیشنل پولیس اکیڈمی کو 50 کروڑ روپے دینے کا اعلان

ویب ڈیسک

22nd Nov, 2024. 11:22 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر داخلہ کا نیشنل پولیس اکیڈمی کو 50 کروڑ روپے دینے کا اعلان

اسلام آباد: وزیر داخلہ محسن نقوی نے نیشنل پولیس اکیڈمی کو 50 کروڑ روپے دینے کا اعلان کردیا۔

وفاقی وزیر محسن نقوی نے نیشنل پولیس اکیڈمی میں اے ایس پیز کے 50 ویں کامن کی پاسنگ آؤٹ پریڈ کی تقریب سے خطاب کرتے ہوئے کہا کہ تمام پاس آؤٹ ہونے والوں کو مبارکباد پیش کرتا ہوں۔

انہوں نے کہا کہ پولیس اہلکار اپنے رویئے سے عوام میں بہتر مقام پیدا کریں، پولیس کی ذمہ داری ہے کہ غریب آدمی کی دادرسی کرے۔

وزیر داخلہ نے کہا کہ نیشنل پولیس اکیڈمی کو جدید خطوط پر استوار کیا جائے گا، نیشنل پولیس اکیڈمی کو پاکستان ملٹری اکیڈمی کی طرز پر استوار کیا جائے۔

انکا کہنا تھا کہ نیشنل پولیس اکیڈمی کے لیے فوری طور پر 50 کروڑ روپے خرچ کیے جائیں گے، اکیڈمی سے بہترین افسران آگے لے کرآنا ہے، سینئر افسران نیشنل پولیس اکیڈمی کی بہتری اور معیار پر خصوصی توجہ دیں۔

محسن نقوی نے مزید کہا کہ قیام امن کے لیے پولیس کی قربانیاں ناقابل فراموش ہیں، نیشنل پولیس اکیڈمی میں بہترین اور معیاری تربیتی کورس متعارف کرائے جائیں۔