ایم کیو ایم رہنما عبدالوسیم کا سعید غنی کے بیان پر ردعمل

ویب ڈیسک

05th Dec, 2024. 05:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایم کیو ایم رہنما عبدالوسیم کا سعید غنی کے بیان پر ردعمل

کراچی: ایم کیو ایم کے سینئر رہنماء و رکن صوبائی اسمبلی عبدالوسیم کا صوبائی وزیر سعید غنی کے بیان پر ردعمل سامنے آگیا۔

ایم کیو ایم کے سینئر رہنما عبدالوسیم کا کہنا ہے کہ اندرونی انتشار کا شکار پیپلزپارٹی رہنما کا بیان کھسیانی بلی کھمبا نوچے کے مترادف ہے۔

عبدالوسیم نے کہا کہ پیپلزپارٹی رہنماؤں کی وزارتوں کے حصول کے لئے ہونے والی رسہ کشی زبان زد و عام ہے، کراچی کے شہری ادارے تباہ کرنے والے وڈیرے کس منہ سے شہر کی نمائندہ جماعت پر الزامات لگا رہے ہیں۔

ان کا کہنا تھا کہ صوبائی خود مختاری کے بعد گزشتہ 16 سال سے صوبہ کی مطلق العنان حکومت پیپلزپارٹی کے پاس ہے، پیپلزپارٹی کیوں شہری اداروں میں گزشتہ 3 ادوار میں بہتری نہ لاسکی۔

ایم کیو ایم رہنما کہتے ہیں کہشہری عوام و اداروں کو ان کا جائز حق اور اختیارات دینے کے بجائے صوبائی اسمبلی میں متعصبانہ قانون سازی کی جاتی ہے۔

عبدالوسیم نے مزید کہا کہ ایم کیوایم ہر سطح پر پیپلزپارٹی کے متعصب کردار کو بے نقاب کرتی رہے گی۔