حیدرآباد، نیو ایئر نائٹ پر ہوائی فائرنگ اور ون ویلنگ کے خلاف سخت اقدامات

ویب ڈیسک

31st Dec, 2024. 09:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حیدرآباد، نیو ایئر نائٹ پر ہوائی فائرنگ اور ون ویلنگ کے خلاف سخت اقدامات

حیدرآباد میں نئے سال کے آغاز پر شہر میں امن و امان کو برقرار رکھنے کے لیے پولیس نے اہم اقدامات اٹھائے ہیں۔

شہر بھر میں دفعہ 144 کے تحت پولیس نے شہر کی اہم شاہراہوں پر خاردار تاریں لگا کر ون ویلنگ اور ہوائی فائرنگ کے خلاف اقدامات شروع کر دیے ہیں۔

پولیس حکام نے آتشبازی اور ہوائی فائرنگ پر سخت ایکشن لینے کی ہدایات بھی جاری کی ہیں۔

پولیس کی بھاری نفری کو حیدرآباد کے مختلف علاقوں میں تعینات کیا گیا ہے اور گشت میں اضافہ کر دیا گیا ہے تاکہ کسی بھی ناخوشگوار واقعے سے بچا جا سکے۔

اس کے علاوہ، شہر کے اہم بازاروں میں دکانیں بند کروا دی گئی ہیں تاکہ عوام کی زندگی کو کسی بھی خطرے سے محفوظ رکھا جا سکے۔

پولیس حکام نے اس بات کا عندیہ دیا ہے کہ امن و امان میں خلل ڈالنے والوں کے خلاف سخت کارروائی کی جائے گی اور جو بھی شہری اس قسم کے غیر قانونی اقدامات میں ملوث پایا گیا، اس کے خلاف فوری طور پر قانونی کارروائی کی جائے گی۔