دہرے قتل کے مقدمے میں سابق وفاقی وزیر مونس الہیٰ اشتہاری قرار

ویب ڈیسک

10th Dec, 2024. 01:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دہرے قتل کے مقدمے میں سابق وفاقی وزیر مونس الہیٰ اشتہاری قرار

گجرات: ایڈیشنل سیشن جج میاں جاوید اکرم نے دوہرے قتل کے مقدمے میں سابق وفاقی وزیر چوہدری مونس الہیٰ کو اشتہاری قرار دے دیا۔

چوہدری مونس الہیٰ سمیت ملزمان پر دو افراد کے قتل کا الزام تھا، ملزمان پر 28 جون 2023 کو چکریاں کے رہائشی یاسر اور محمد یوسف کو فائرنگ کر کے قتل کرنے کا الزام تھا، اسی کیس میں نامزد ملزم محمد اختر دوران ٹرائل جیل میں وفات پا گیا تھا۔

پولیس کے مطابق چوہدری مونس الہیٰ کو ایف آئی آر کے ملزمان کے انکشاف کے بعد اس کیس میں نامزد کیا گیا تھا، ان کو دفعہ 109 کے تحت ایما مشورہ کا ملزم نامزد کیا گیا۔

پولیس نے بتایا کہ دوہرے قتل کا مقدمہ تھانہ منگووال میں 29 جون 2023 کو مقدمہ نمبر 23/149 بجرم 302,34,109 ت پ کے تحت درج ہوا تھا۔

واضح رہے کہ سابق وفاقی وزیر چوہدری مونس الہیٰ کو اشتہاری قرار دینے والا فیصلہ 19 صفحات پر مشتمل ہے۔