کراچی میں تیز رفتار بسیں قیمتی جانیں نگلنے لگیں، ٹریفک حادثات کی شرح میں اضافہ

خرم گلزار

23rd Dec, 2024. 11:09 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں تیز رفتار بسیں قیمتی جانیں نگلنے لگیں، ٹریفک حادثات کی شرح میں اضافہ

کراچی: شہر قائد میں تیز رفتار بسیں قیمتی جانیں نگلنے لگیں، ٹریفک حادثات کی شرح میں اضافہ ہوگیا۔

ابوالحسن اصفہانی روڈ پر تیز رفتار بس سے کچلنے والا نوجوان یعثوب حسین پرنٹنگ کا کام کرتا تھا اور سموسے بھی فروخت کرتا تھا۔ یعثوب اپنے دوست محسن کے ساتھ پرنٹنگ کا آرڈر دینے آیا تھا۔

جاں بحق نوجوان یعثوب حسین کرکٹر بننے کا خواہش مند تھا، یعثوب حسین لیاقت آباد زون ٹیم کی جانب سے کرکٹ بھی کھیلتا تھا، حادثے میں زخمی محسن اسپتال میں زیر علاج ہے۔

دوسری جانب عائشہ منزل پر تیز رفتار بس نے خاتون بشریٰ کو کچل دیا، حادثے میں بشریٰ کا شوہر زخمی ہوا، مشتعل مظاہرین نے بس نذر آتش کردیا، دونوں خونی واقعات میں بس کے ڈرائیور موقع سے فرار ہوگئے۔

واضح رہے کہ 24 گھنٹوں کے دوران ٹریفک حادثات میں بچے سمیت 5 افراد جاں بحق ہوگئے، رواں سال شہر میں 500 سے زائد روڈ حادثات میں 525 اموات رپورٹ ہوئیں، مرنے والے 57 فیصد موٹرسائیکل سوار تھے۔