سربراہ پاک فضائیہ سے آذربائیجان کے اعلیٰ سطح کے وفد کی ملاقات

ویب ڈیسک

24th Dec, 2024. 04:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سربراہ پاک فضائیہ سے آذربائیجان کے اعلیٰ سطح کے وفد کی ملاقات

راولپنڈی: سربراہ پاک فضائیہ ایئر چیف مارشل ظہیر احمد بابر سدھو سے آذربائیجان کے اعلی سطح کے وفد نے ملاقات کی ہے۔

پاک فوج کے شعبہ تعلقات عامہ (آئی ایس پی آر) کے مطابق آذربائیجان کے نائب وزیر دفاع جنرل عقیل قربانوف کی قیادت میں لیفٹننٹ جنرل نمیگ اسلام زادے اور دیگر اعلی حکام پر مشتمل وفد نے ایئر چیف مارشل ظہیر احمد بابر سدھو سے ملاقات کی۔

آئی ایس پی آر کا کہنا ہے کہ چیف آف دی ایئر اسٹاف نے پاکستان ایئر فورس کی حالیہ کامیابیوں کو اجاگر کیا اور ایئر چیف نے دوطرفہ تعلقات خاص طور پر آپریشنل اور تربیتی شعبوں میں تعاون بڑھانے کے عزم کا اعادہ کیا۔

ترجمان پاک فوج کا کہنا تھا کہ ایئرچیف نے دو طرفہ تربیتی تعاون کی اہمیت کو بھی اجاگر کیا جب کہ آذری ایئر اور گراؤنڈ کریو اس وقت پاک فضائیہ کی آپریشنل بیس پر تربیت حاصل کر رہا ہے۔

آئی ایس پی آر نے بتایا کہ پاکستان میں آذری فضائیہ کا تربیتی پروگرام مقررہ شیڈول کے مطابق چل رہا ہے، آذری عملے کا تربیتی کورس 50 فیصد سے زیادہ مکمل ہوچکا ہے۔

ترجمان پاک فوج نے مزید بتایا کہ آذری ایئراور گراؤنڈ کریو کی تربیت ایک ماہ کے عرصے میں مکمل ہونے کی توقع ہے۔