اطالوی بحریہ کا تربیتی جہاز امیریگو  ویسپوچی ورلڈ ٹور پر کراچی پہنچ گیا۔

اطالوی بحریہ  کے اعلیٰ حکام کو پاکستان میں اطالوی سفیر  ماریلینا آرملین، وائس ایڈمرل ونسنزو مونٹانوارو (اطالوی چیف آف نیول اسٹاف کے ایلچی) ،اطالوی دفاعی اتاشی کرنل اینریکو روزا اور کراچی میں اطالوی قونصل ڈینیلو جیورڈینیلا، مقامی حکومتی حکام اور فوجی حکام کے ساتھ     خوش آمدید کہا۔

اطالوی قدیم ترین شپ ورلڈ ٹور کے دوران 29 ویں پورٹ پر پاکستان پہنچا ہے جو  7 اور 8 دسمبر تک کراچی بندرگاہ پر رہے گا۔ یہ اس بحری جہاز کا پاکستان کا پہلا دورہ ہے۔

نوے سالوں سے قدیم ترین بحری اور سمندری سفر کی روایات کا محافظ امیریگو  ویسپوچی  دنیا میں اٹلی کی سب سے مشہور علامتوں میں سے ایک ہے۔

ویسپوچی ورلڈ ٹور کے اقدام کو وزیر دفاع گائیڈو کروسیٹو، وزارت خارجہ اور بین الاقوامی تعاون اور دیگر وزارتوں کی بھرپور حمایت حاصل ہے۔

اس میں آفیسر کیڈٹس کی روایتی تربیتی سرگرمی اور اعلیٰ کارکردگی کے فروغ کو یکجا کیا گیا ہے۔اٹلی میں بنایا گیا ویسپوچی، بحریہ اور بذات خود اٹلی کا نشان ہے۔

 سمندری روایات کی پیروی کرتے ہوئے سالوں کے دوران اس نے ملک کے وقار کو بڑھانے میں اہم کردار ادا کیا ہے۔ یہ جہاز  یکم جولائی 2023 کو جینوا کی بندرگاہ سے دنیا کا تقریباً 2 سال کا سفر مکمل کرنے کے لیے روانہ ہوا تھا۔

ویسپوچی اپنے ساتھ ثقافت، تاریخ، اختراع، سائنس، تحقیق، ٹیکنالوجی لے کر آیا ہے جو اٹلی کو ایک ملک بناتا ہے،جس کی ہر طرف تعریف کی جاتی ہے۔

اس دورے میں تصویری نمائش’سائمو مارے- ہم سمندر ہیں‘ بھی پیش کی جائے گی جس کا مقصد ایک نئے تناظر کو پیش کرنا ہے۔

اطالوی سفیر مارلینا آرملین  کا کہنا ہے کہ  اس شپ کی پاکستان آمد ہمارے لیے اعزاز ہے۔مجھے بطور اطالوی سفیر پاکستان  میں چوتھے بحری شپ کا استقبال کرنے کا موقع ملا ہے۔

مارلینا آرملین   کا کہنا ہے کہ  پاکستان اور اٹلی میں بہترین دوستانہ تعلقات ہیں۔یورپ میں سب سے زیادہ پاکستانی کمیونٹی اٹلی میں آباد  ہے۔

انہوں نے مزید کہا کہ اس شپ  کی پاکستان آمد کا مقصد خیر سگالی  اور ثقافت کا فروغ  ہے۔اٹلی اور پاکستان کے درمیان معاشی تعلقات میں اضافہ ہوگا ۔ ٹریڈ کمشنر کا آفس بھی اسلام آباد میں قائم کیا گیا ہے۔