انصاف کی جلد فراہمی کو یقینی بنانے کے لئے چیف جسٹس یحییٰ آفریدی کا اہم قدم

طیب بلوچ

09th Dec, 2024. 04:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انصاف کی جلد فراہمی کو یقینی بنانے کے لئے چیف جسٹس یحییٰ آفریدی کا اہم قدم

اسلام آباد: انصاف کی جلد فراہمی کو یقینی بنانے کے لئے چیف جسٹس پاکستان یحییٰ آفریدی نے دور دراز اضلاع کے دوروں کا فیصلہ کرلیا۔

سپریم کورٹ اعلامیے کے مطابق ضلعی عدلیہ کو بہتر بنانے اور درپیش چیلنجز سے نمٹنے کے لئے چیف جسٹس نے ذاتی دوروں کا فیصلہ کیا ہے۔

اعلامیے میں بتایا گیا ہے کہ چیف جسٹس پاکستان موقع پر پہنچ کر مسائل کا تدارک کریں گے جب کہ چیف جسٹس نے آج گوادر کا دورہ کیا۔

سپریم کورٹ کا کہنا ہے کہ چیف جسٹس نے تربت، پنجگور اور چاغی سمیت دیگر اضلاع کے ڈسٹرکٹ اینڈ سیشن ججز نے چیف جسٹس سے ملاقات کی جب کہملاقات میں چیف جسٹس پاکستان نے مسائل کے حل کی یقین دہانی کرائی۔

اعلامیہ سپریم کورٹ کے مطابق چیف جسٹس یحییٰ آفریدی نے عدالتی افسران کے وقار کو مقدم رکھنے کا عزم کیا ہے۔

اس موقع ہر چیف جسٹس یحیٰ آفریدی کا کہنا تھا کہ پورے ملک کی عدلیہ کا وقار مجروح نہیں ہونے دیں گے، دور دراز کی عدلیہ خصوصی توجہ کی متقاضی ہیں۔

اعلامیے میں مزید بتایا گیا ہے کہ چیف جسٹس پاکستان نے متعلقہ ہائی کورٹس کو دور دراز کی ضلعی عدلیہ پر توجہ مرکوز کرنے کی ہدایت کی جب کہ چیف جسٹس نے دور دراز علاقوں میں کام کرنے والے عدالتی افسران کی خدمات کو بھی سراہا۔