صدرمملکت اور وزیراعظم کا میجر شبیر شریف شہید کو خراج عقیدت

فہد چوہدری

06th Dec, 2024. 09:35 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدرمملکت اور وزیراعظم کا میجر شبیر شریف شہید کو خراج عقیدت

اسلام آباد: صدر مملکت آصف علی زرداری اور وزیراعظم محمد شہباز شریف نے میجر شبیر شریف شہید نشان حیدر کو 53 ویں یوم شہادت پر خراج عقیدت پیش کیا ہے۔

صدر آصف زرداری نےمیجر شبیر شریف شہید کی جرات اور بہادری کو سراہتے ہوئے کہا کہ انہوں نے 1971میں دشمن کا جوانمردی سے مقابلہ کیا، میجر شبیر شریف شہید جیسے بہادر افسران پر پوری قوم کو فخر ہے۔

انکا مزید کہنا تھا کہ میجر شبیر شریف شہید نے مادر وطن کے دفاع کیلئے جان کا نذرانہ پیش کیا، قوم ان کو وطن کیلئے قربانی اور بہادری پر سلام پیش کرتی ہے۔

وزیراعظم شہباز شریف

دوسری جانب وزیراعظم شہباز شریف نے بھی میجر شبیر شریف شہید کے 53 ویں یوم شہادت پر خراج عقیدت پیش کرتے ہوئے کہا کہ میجر شبیر شریف شہید جرات وبہادری کی عمدہ مثال تھے، 1971 کی جنگ میں انہوں نے دشمن کی پیش قدمی روکے رکھی۔

شہباز شریف نے مزید کہا کہ میجرشبیرشریف نے ہدف کی حفاظت کی، دشمن کے ٹینکوں کو ناکارہ بنایا، انہوں نے کمپنی کمانڈر سمیت متعدد دشمنوں کو ہلاک کیا، مجھ سمیت قوم کو میجر شبیر شریف نشان حیدر اور انکے اہلخانہ پر فخر ہے، پاکستانی قوم پاک فوج کے بہادر جوانوں کی قربانیاں کبھی فراموش نہیں کرسکتی۔