آرمی پبلک اسکول کے شہداء کی قربانیاں ہمیشہ زندہ رہیں گی، وزیر داخلہ

ویب ڈیسک

16th Dec, 2024. 10:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آرمی پبلک اسکول کے شہداء کی قربانیاں ہمیشہ زندہ رہیں گی، وزیر داخلہ

عمیر بٹ کا تسلسل کے ساتھ تیسری بار چیئرمین منتخب ہونا ایک اعزاز ہے، محسن نقوی

اسلام آباد: وفاقی وزیر داخلہ محسن نقوی نے کہا ہے کہ آرمی پبلک اسکول کے شہداء کی قربانیاں پاکستان کے ہر فرد کے دل میں ہمیشہ زندہ رہیں گی۔

وزیر داخلہ محسن نقوی نے آرمی پبلک اسکول پشاور کے شہداء کی برسی پر پیغام دیتے ہوئے کہا کہ بدترین دشمن نے 16 دسمبر کو معصوم بچوں اور بے گناہ اساتذہ کو ناحق شہید کیا، یہ دن ہمارے عزم کا نشان بن چکا ہے کہ ہم دہشت گردی کے خلاف لڑتے رہیں گے۔

انہوں ںے کہا کہ بچوں اور ٹیچرز نے اپنے قیمتی لہو سے پرامن پاکستان کی بنیاد رکھی، درندہ صفت دہشتگردوں نے ننھے پھولوں کو بے دردی سے مسل کر سفاکیت کا بزدلانہ فعل کیا۔

محسن نقوی کا کہنا تھا کہ شہدائے اے پی ایس شہید آج بھی قوم کے دلوں میں زندہ ہیں جبکہ بزدل دشمن کے لئے پاک دھرتی تنگ کر دی گئی ہے، شہدائے اے پی ایس نے قوم کو دہشت گردی کے ناسور کے خاتمے کیلئے ایک کیا، آرمی پبلک اسکول کے شہداء کی قربانیاں پاکستان کے ہر فرد کے دل میں ہمیشہ زندہ رہیں گی۔

وزیر داخلہ نے مزید کہا کہ شہید بچے اور اساتذہ پوری قوم کے ہیرو ہیں اور ان کے خاندانوں کو سلام اور مکمل یکجہتی کا اظہار کرتے ہیں، قوم آج شہداء کی لازوال قربانیوں کو خراج عقیدت پیش کررہی ہے۔