کراچی: 10 کروڑ روپے مالیت کی نان کسٹم پیڈ اشیاء برآمد

خرم گلزار

01st Dec, 2024. 03:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی: 10 کروڑ روپے مالیت کی نان کسٹم پیڈ اشیاء برآمد

کراچی: سندھ رینجرز اور کسٹم انفورسمنٹ کی جانب سے کھارادر کے علاقے بولٹن مارکیٹ یوسف پلازہ میں مشترکہ آپریشن کے دوران 10 کروڑ روپے مالیت کی نان نان کسٹم پیڈ اشیاء برآمد کرلی گئیں۔

ترجمان کے مطابق پاکستان رینجرز (سندھ) اور کسٹم انفورسمنٹ نے خفیہ معلومات کی بنیاد پر بولٹن مارکیٹ یوسف پلازہ کھارادر کے علاقے میں مشترکہ آپریشن کیا جس میں رینجرز اور کسٹم انفورسمنٹ کی بھاری نفری نے حصہ لیا۔

آپریشن کے دوران بھاری مقدار میں نان کسٹم پیڈ اشیاء جس میں سگریٹ، الیکٹرک سگریٹ، شیشہ فلیور، گھڑیاں، چاکلیٹ، صابن، پرفیوم، مختلف اقسام کے کاسمیٹکس کا سامان اور مختلف نوعیت کی اشیائے خوردونوش برآمد ہوئیں۔

ترجمان رینجرز سندھ نے بتایا کہ اسمگل شدہ سامان مختلف گوداموں میں چھپایا گیا تھا جبکہ برآمد کیے گئے سامان کی مالیت تقریباً 10 کروڑروپے ہے۔

ترجمان نے مزید کہا کہ برآمد شدہ نان کسٹم پیڈ اشیاء 12 مزدہ ٹرکوں کے ذریعے مزید قانونی کارروائی کے لیے کسٹم انفورسمنٹ کے حوالے کردی گئی ہیں۔