اسپیکر قومی اسمبلی کا حکومتی مذاکراتی کمیٹی کی تشکیل کا خیر مقدم

فہد چوہدری

22nd Dec, 2024. 03:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسپیکر قومی اسمبلی کا حکومتی مذاکراتی کمیٹی کی تشکیل کا خیر مقدم

اسلام آباد: اسپیکر قومی اسمبلی سردار ایاز صادق نے اپوزیشن سے مذاکرات کے لیے وزیراعظم شہباز شریف کی طرف سے کمیٹی تشکیل دینے کا خیر مقدم کرتے ہوئے تشکر کا اظہار کیا۔

اسپیکر سردار ایاز صادق نے اپنے جاری کردہ بیان میں کہا کہ مسائل کو مذاکرات سے حل کرنے کے حوالے سے وزیراعظم کا اقدام خوش آئند ہے، نیک نیتی سے حکومت اور اپوزیشن کو مذاکرات کی دعوت دی۔

انکا کہنا تھا کہ اسپیکر آفس کے دروازے ہمیشہ اراکین کےلیے کھلے ہیں، بات چیت اور مکالمے سے ہی آگے بڑھا جاسکتا ہے۔

ایاز صادق نے مزید کہا کہ مذاکرات کا عمل آگے بڑھانے کے لیے دونوں کمیٹیوں کے اراکین کو کل پیر دن ساڑھے گیارہ بجے ملاقات کی دعوت دی ہے، دونوں کمیٹیوں کے اراکین سے پارلیمنٹ ہاؤس میں اپنے چیمبر میں ملاقات کروں گا۔

واضح رہے کہ اسپیکر قومی اسمبلی ایاز صادق نے حکومت اور اپوزیشن کی مذاکراتی کمیٹیوں کو کل ملاقات کے لیے بلا لیا، تاہم اسپیکر قومی اسمبلی کے چیمبر میں دن ساڑھے گیارہ بجے ملاقات ہوگی۔