معاشی میدان میں اہم کامیابیوں کا سلسلہ جاری ہے، محمد اورنگزیب

ویب ڈیسک

18th Dec, 2024. 05:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معاشی میدان میں اہم کامیابیوں کا سلسلہ جاری ہے، محمد اورنگزیب

اسلام آباد: وزیرخزانہ محمد اورنگزیب نے اقتصادی رابطہ کمیٹی کے اجلاس سے خطاب میں کہا کہ معاشی میدان میں اہم کامیابیوں کا سلسلہ جاری ہے۔

وزیرخزانہ محمد اورنگزیب نے کابینہ کی اقتصادی رابطہ کمیٹی اجلاس سے خطاب میں کہا کہ معاشی میدان میں اہم کامیابیوں کا سلسلہ جاری ہے جب کہ ٹھوس اقدامات سے معیشت استحکام کی راہ پر گامزن ہے۔

وزیرخزانہ کا کہنا ہے کہ کرنٹ اکاؤنٹ کا 10 سال بعد سرپلس ہونا اہم پیش رفت ہے، ترسیلات زر میں 35 فیصد کا اضافہ ہوا، یقین ہے ترسیلات زر 35 ارب ڈالر سے بڑھ جائیں گی۔

محمد اورنگزیب کہتے ہیں کہ برآمدی شعبے میں بھی مثبت رجحان ہے، رواں مالی سال کے آخر پر امپورٹ کور کی صلاحیت 3 ماہ ہوجائے گی۔

وزیر خزانہ نے بتایا کہ مہنگائی ساڑھے 6 سال کی کم ترین سطح پر آگئی ہے جب کہ اسٹیٹ بینک نے مسلسل پانچویں بار پالیسی ریٹ میں کمی کی ہے۔

انہوں نے مزید کہا کہ پالیسی ریٹ کا 13 فیصد پر آنا معیشت کے لیے اہمیت کا حامل ہے، سوال ہوتا ہےعام آدمی پر معاشی بہتری کا اثر کیوں نہیں پڑ رہا۔