سوشل میڈیا پر بدنیتی پر مبنی مہم میں ملوث ملزمان کو نوٹسز جاری

سلمان علی اعوان

12th Dec, 2024. 01:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سوشل میڈیا پر بدنیتی پر مبنی مہم میں ملوث ملزمان کو نوٹسز جاری

آئی جی اسلام آباد علی ناصر رضوی نے سوشل میڈیا پر بدنیتی پر مبنی مہم میں ملوث ملزمان کو نوٹسز جاری کر دیے۔

آئی جی اسلام آباد کی جانب سے نوٹسز ملزم صبغت اللہ وِرک، محمد ارشد، عطاالرحمٰن، اظہر مشوانی، کومل آفریدی، عروسہ ندیم شاہ اور ایم علی ملک کو جاری کیے گئے۔

نوٹس میں جے آئی ٹی نے ملزمان کو 13دسمبر کو طلب کر لیا، تاہم ملزمان نے سوشل میڈیا پر بدنیتی پر مبنی مہم کے ذریعے پاکستان میں افراتفری اور انتشار پھیلایا۔

دوسری جانب وفاقی حکومت نے سوشل میڈیا پر جرائم کی روک تھام کے لئے پیکا ایکٹ 2016 کے سیکشن 30 کے مطابق آئی جی پولیس کے ماتحت ایک مشترکہ تحقیقاتی ٹیم کی تشکیل دی ہے۔

جے آئی ٹی ملزمان اور ان کے ساتھیوں کے پسِ پردہ مقاصد کا تعین کرنے کے لیے معاملے کی تحقیقات کر رہی ہے، مزید مجرموں کی شناخت اور ان کے خلاف قابل اطلاق قوانین کے تحت کارروائی عمل میں لائی جا رہی ہے۔

جے آئی ٹی کے پاس ملزمان کے خلاف ملک میں بد امنی اور انتشار پھیلانے کے لئے سوشل میڈیا پر پروپیگنڈا کرنے کے ٹھوس شواہد موجود ہیں۔