جنوبی وزیرستان میں سیکیورٹی فورسز کا آپریشن؛ 13 خارجی دہشتگرد جہنم واصل

ویب ڈیسک

25th Dec, 2024. 01:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جنوبی وزیرستان میں سیکیورٹی فورسز کا آپریشن؛ 13 خارجی دہشتگرد جہنم واصل

آئی ایس پی آر نے کہا ہے کہ جنوبی وزیرستان میں فتنہ الخوارج کے خلاف سیکیورٹی فورسز نے انٹیلیجنس بیسڈ آپریشن کیا ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق سیکیورٹی فورسز نے سرا روغہ کے علاقے میں دہشت گردوں کی موجودگی کی اطلاع پر کارروائی کی۔

آئی ایس پی آر نے بتایا کہ سیکیورٹی فورسز کی کارروائی کے نتیجے میں 13 خارجی دہشتگرد جہنم واصل ہوگئے، ہلاک ہونے والے خارجی دہشت گرد سیکیورٹی فورسز پر حملوں کے ساتھ بے گناہ شہریوں کے قتل میں بھی ملوث تھے۔

آئی ایس پی آر کا کہنا ہے کہ علاقے کو خارجی دہشت گردوں سے پاک کرنے کے لیے سینیٹائزیشن آپریشن جاری ہے، پاکستان کی سیکیورٹی فورسز وطنِ عزیز سے دہشتگردی کی لعنت کے خاتمے کے لیے پُرعزم ہیں۔

یہ بھی پڑھیں: صدر اور وزیراعظم کا سرا روغہ میں 13 خوارج کو جہنم واصل کرنے پر سیکیورٹی فورسز کو خراجِ تحسین