پاکستان کو بڑھتی آبادی جیسے مسائل سے نمٹنا ہوگا، وزیر خزانہ

پاکستان کو بڑھتی آبادی جیسے مسائل سے نمٹنا ہوگا، وزیرخزانہ

ویب ڈیسک

05th Dec, 2024. 01:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کو بڑھتی آبادی جیسے مسائل سے نمٹنا ہوگا، وزیرخزانہ

اسلام آباد: وفاقی وزیر خزانہ محمد اورنگزیب نے کہا ہے کہ پاکستان کو بڑھتی آبادی جیسے مسائل سے نمٹنا ہوگا۔

وزیر خزانہ محمد اورنگزیب نے ایس ای سی پی کے زیراہتمام سیمینار سے خطاب کرتے ہوئے کہا کہ سرکاری ملکیتی اداروں کا روزانہ کا نقصان 2.2 ارب روپے تک پہنچ چکا ہے، گزشتہ 10 برسوں کے دوران سرکاری ملکیتی اداروں کا نقصان 6 ٹریلین روپے رہا۔

انہوں نے کہا کہ سرکاری ملکیتی اداروں کا 50 فیصد نجی شعبے کے حوالے کرنا چاہیے، ملکی اکانومی کو بہتر پرفارم کرنے کیلئے نجی شعبے کو کردار ادا کرنا ہو گا، وزیراعظم آئندہ 10 روز میں ملکی معاشی روڈ میپ پر خطاب کریں گے۔

محمد اورنگزیب نے کہا کہ پاکستان کو کلائمیٹ چینج اور آبادی کنٹرول کرنے کے اقدامات کرنا ہوں گے، ہمارے ملک میں چائلڈ اسٹنٹنگ اور آؤٹ آف اسکولز چلڈرن کی بڑی تعداد ہے۔

وفاقی وزیر نے مزید کہا کہ بڑھتی ہوئی آبادی کے باعث پاکستان کو سنگین مسائل کا سامنا ہے، آبادی بڑھنے کی شرح کنٹرول نہ ہوئی تو مسائل بڑھتے رہیں گے۔