صدرمملکت کا بدعنوانی کے خاتمےکیلئے سخت احتسابی اقدامات کے نفاذ کے عزم کا اعادہ

صدرمملکت کا بدعنوانی کے خاتمے کیلئے سخت احتسابی اقدامات کے نفاذ کے عزم کا اعادہ

ویب ڈیسک

09th Dec, 2024. 10:03 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدرمملکت کا بدعنوانی کے خاتمے کیلئے سخت احتسابی اقدامات کے نفاذ کے عزم کا اعادہ

اسلام آباد: صدر مملکت آصف علی زرداری نے بدعنوانی کے خاتمے کیلئے سخت احتسابی اقدامات کے نفاذ کے عزم کا اعادہ کیا ہے۔

صدر آصف زرداری نے انسداد بدعنوانی کے عالمی دن کے موقع پر پیغام دیتے ہوئے کہا کہ یہ دن کرپشن کیخلاف احتساب کے فروغ کیلئے ذمہ داری کی یاد دہانی کرتا ہے، کرپشن سے پاک کلچر کی تشکیل کیلئے رویوں میں تبدیلی لانا ہوگی۔

انہوں نے کہا کہ بدعنوانی سے عوامی اعتماد مجروح ہوتاہے، بدعنوانی وسائل کے ضیاع کے ساتھ اقتصادی ترقی کو متاثر کرتی ہے، پاکستان نےانسدادبدعنوانی کےبین الاقوامی فریم ورکس کے مطابق اقدام اٹھائے۔

آصف علی زرداری نے کہا کہ پاکستان میں ایک مؤثر احتسابی نظام بھی قائم کیا گیا ہے، معاشرے سے کرپشن کی عادت کو ختم کرنے کیلئے کاوشیں جاری رکھنا ہونگی۔

صدر نے مزید کہا کہ نوجوان، سول سوسائٹی اور شہری بدعنوانی کے خاتمے کیلئے ملکر کام کریں، ہمیں شفافیت، دیانتداری کا ماحول تشکیل دینے کیلئے مل کر کام کرنا ہے۔